افغان ساحلي فوټبال ملي لوبډله ټایلینډ ته تللې

د افغانستان د فوټبال ساحلي ملي لوبډله په ۵ اړخیزه لوبو کي د لوبېدو په موخه تېره یکشنبه ټایلینډ هیواد ته ولاړه او پرون سې شنبه ئې هلته تمرینونه پیل کړل.

د افغانستان فوټبال فدراسیون وایي، چي په دې سیالیو کي د افغانستان په ګډون کوربه ټایلینډ، چین، مالیزیا او ویتنام هیوادونه لوبي ترسره کوي.
دا لوبي سبا چهارشنبه پېلیږي او تر ۶ ورځو دوام وروسته راتلونکې دوشنبه پای ته رسیږي.
افغانستان به خپله لومړۍ لوبه د پنجشنبې په ورځ د ټایلینډ هیواد په وړاندي ترسره کړي.

ټایلینډ ته ۱۶ کسیزه ټیم سفر کړی، چي ۱۲ پکښي لوبغاړي، یو د ټیم روزونکی، د ټیم مشر، ډاکټر او عکس اخیستونکی شامل دي.

۱۲ کسیزه لوبډله کي کاوش حیدري، نوید افغان، زین الدین شریفي، جمیل ناصري، مرتضی جعفري، سمیع الله محمدي، رامز فاروقي، تمیم حیدري، فهیم حیدري، عمران ولیزاده، اُمید همایون او شفیع بعیات شامل دي.

د نوي تړون په اساس نیمار ته د ورځې یو لک ډالر ورکول کیږي

لیکوال: محمد صابر حمیدي ، کندهار - برخه : سپورټ

د برازیل هیواد د فوټبال ملې لوبډلې او د فرانسوي کلب پاریسن جرمېن تکړه او نامتو بریدګر لوبغاړي نیمار د پاریسن جرمېن لوبډلې سره تېره شنبه تر ۲۰۲۵م کال پوري تړون وکړ او اوس به ... نور ولولئ