Advertisements
سپورټ فوټبال

یو افغان لوبغاړی د کمبودیا ویساکا لوبډلي سره یو ځای شو

د افغانستان د فوټبال ملي لوبډلي تکړه بریدګر لوبغاړی مصطفی زازی د کمبودیا هیواد د ویساکا فوټبال کلب سره په رسمي ډول قرار داد امضاء کړ او له دې وروسته به د یادي لوبډلي سره لوبیږي.

د کمبودیا هیواد د غوره لیګ ګډونوالي لوبډلي ویساکا په رسمي ډول اعلان وکړ، چي د افغان فوټبال ملي لوبډلي تکړه بریدګر لوبغاړی مصطفی زازی ورسره یو ځای سو او د لوبېدو تړون ئې لاسلیک کړ.

تر دې مخکي مصطفی زازی د کمبودیا هیواد په غوره لیګ سیالیو کي د یوې بلي لوبډلي فنون پن سره په تېر ۲۰۱۹م کال کي ولوبېد، چي د هغې لوبډلي لپاره ئې خورا ښې لوبي ترسره کړې.

راپورونه وايي، چي زازي په تېر ۲۰۱۹م کال کي د فنون پن لوبډلي لپاره ۱۲ لوبي ترسره کړې او په یادو ۱۲ لوبو کي ئې د یادي لوبډلي لپاره د لوبغالي د بیلابیلو زاویو څخه ۷ ګولوهني ووهلې.

په فنون پن لوبډله کي تر ښه لوبېدو وروسته دادی د ویساکا لوبډلي زازی له ځان سره واخیست او په ۲۰۲۰م کال کي به د یادي لوبډلي سره ولوبیږي.

ټاکل سوې زازی په یاده نوې لوبډله کي ۱۷م نمبر لباس په تن کړي.

مصطفی زازی د افغان فوټبال ملي لوبډلي هغه لوبغاړی دئ، چي د ملي لوبډلي لپاره ښه ځلیږي او د ټيم په لومړي یوولس کسیزه ټيم کي شتون لري.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.