تر انګلستان مخکې اسټراليا د افغانستان سره ټيسټ لوبه کوي

وړاندې تر دې چې د اسټراليا او انګلستان تر منځ اشيز سيريز پيل سي ، د افغانستان سره لوبه کوي.

هغه يوه ټيسټ لوبه چې د کريکټ د نړيوالې شورا له لورې د نومبر مياشتې لپاره په مهالوېش کې ټاکل سوې وه چې د افغانستان او اسټراليا ترمنځ ترسره سي،کرونا وېروس د هماغه ۲۰۲۰ز ډسمبر ته وځنډوله او بيا د اسټراليا کريکټ بورډ وويله چې د ۲۰۲۱ز په اوږدو کې به دا لوبه وکړو.

نومبر ته ۵ مياشتې پاتې دي او د افغانستان کريکټ لوبډله نه اوس او نه هم د راتلونکو مياشتو لپاره د لوبو مهالوېش لري.

د انډيان اکسپريس د خبر له مخې اسټراليا کريکټ لوبډله چمتو ده چې د راتلونکې نومبر په ۲۷مه د افغانستان سره په هبارټ کريکټ لوبغالې کې لوبه وکړي.

تېرکال د افغانستان د کريکټ بورډ وياند فريد هوتک هم ويلي وه چې د ۲۰۲۱ز د نومبر په مياشتې کې به د اسټراليا سره ټيسټ لوبه ترسره کړي خو اسټراليا په دې اړه څه نه وه ويلي.

د انډيان اکسپريس په خبره اسټرليا تر دې لوبې وروسته د ډسمبر په ۸مه د اشيز لوبو لپاره په ګابا لوبغالې کې د انګلستان کوربتوب کوي ،تر هغې وروسته د ۲۰۲۲ز د جنوري مياشتې په ۱۸مه د ټيسټ ډي نايټ لوبه او تر ټيسټ لوبو وروسته د نيوزلينډ او سريلانکا سره يو ورځنۍ او شل اووريزې لوبې ترسره کوي.




سبا د ټیست نړیوالې اتلولۍ پایلوبه پيلیږي

by محمد صابر حمیدي ، کندهار in سپورټ

د ټیسټ نړیوالې اتلولې پایلوبې ته هند او نیوزیلینډ کرکټ ملې لوبډلو لاره پيداکړې، چې د یادو هیوادونو کرکټ بورډونو یادي پایلوبې ته خپلې لوبډلې اعلان کړې.  د ټیسټ نړیوالې اتلولۍ پایلوبه د کرکټ نړیوالې ... نور ولولئ