Advertisements
سپورټ فوټبال

نن افغان فوټبال لوبډله د بنګله دېش سره لوبیږي

د افغانستان د فوټبال ملي لوبډله نن سې شنبه د بنګله دېش فوټبال ملي لوبډلي سره په تاجکستان کي لوبیږي.

دا لوبه د تاجکستان په دوشنبې ښار کي ماښام ۶:۳۰ بجې پېلیږي.

دا سیالي د ۲۰۲۲م کال د فوټبال نړیوال جام ته او د ۲۰۲۳م کال د آسیا د ملتونو جام ته د لاري پیداکولو په موخه ترسره کیږي.

افغانستان په دې سیالیو کي په پنځم ګروپ کي د قطر، بنګله دېش، هندوستان او عمان سره یو ځای دئ.

افغانانو خپله لومړۍ لوبه تېره پنجشنبه د قطر هیواد په وړاندي ترسره کړه، چي د یادي لوبډلي څخه ئې ۶ ګولونه پر ۰ سخته ماته وخوړه.

FB_IMG_1568078918725.jpg

په دې ټورنمنټ کي ۴۰ آسیايي هیوادونه په ۸ ګروپونو کښي یو د بل په وړاندي لوبیږي، چي موخه ئې ورڅخه په قطر کي د ۲۰۲۲م کال او ۲۰۲۳م کال د آسیا ملتونو جام ته لاره پيداکول دي.

له یادو ۴۰ ټیمونو څخه بل پړاو ته ۱۲ ټیمونه لاره پيداکوي.

د افغان لوبډلي روزونکي انوش دستګیر ننۍ لوبي ته پرون خبري کنفرانس ورکړ، چي دې لوبي ته ئې پر پوره چمتوالي خبري وکړې.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.