مارچ 6, 2021

کرنې وزارت: سږکال ۸ زره او ۵۰۰ مټریک ټنه اصلاح شوي تخمونه وېشل شوي

Advertisements
راپور: بشر درویش

سږکال څه باندې اته زره او ۵۰۰ مټریک ټنه اصلاح شوي تخمونه وېشل شوي دي.
د کرنې، اوبولګولو او مالدارۍ وزارت د ۱۳۹۹یم مالي کال په شپږو لومړیو میاشتوکې پر بزګرانو اته زره او ۵۸۷ مټریک ټنه اصلاح شوي تخمونه وېشلي دي.
یاد وزارت یوه خبرپاڼه کې ویلي؛ دغه اصلاح شوي تخمونه د هېواد په ۳۴ ولایتونو کې د بزګرانو د ملاتړ، د کرنې پراختیا، د خوړو خوندیتوب او د زیانمنو کورنیو د عوایدو زیاتولو په پار وېشل شوي دي.

ویل شوي؛ دغه راز د کرنې وزارت د خړو د خوندیتوب او د کورنیو د معیشت ښه کولو په پار د غلو دانو، حبوباتو، د مالدارۍ او بڼوالۍ محصولاتو د زیاتولو له لارې له هغو بزګرانو چې له خپل لګښتونو څخه ډېر غنم ولري اووه زره او ۵۰۰ مټریک ټنه غنم پېرې او اسټراټیژیکو زېرموته یې لېږدي. ددغو غنمو د پېرلو لړۍ ۲۰ سلنه بشپړ شوي دي او ټاکل شوې، چې د روان مالي کال تر پایه یې د پېرلو لړۍ بشپړ شي.
سرچینه زیاتوي؛ اسټراټیژیکو زېرموته د هندوستان د ۷۵ زره مټریک ټنه مرسته شوي غنمو لېږد هم د خوړو خوندیتوب او د کورنیو د معیشت ښه کولو په پروګرام کې شامل دي. ددغو مرستو د لېږد چارې هم ۲۰ سلنه بشپږ شوي دي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي