افغان کرکیټ بورډ د افغانستان راتلونکی سریز په ډاګه کړ

خبریال: فضل الله فضلي
افغان کرکیټ بورډ نن د ایرلینډ سره د راتلونکي ۲۰۲۳ نړیوال جام لپاره د سوپرلیګ سیالیو لوبلړۍ اعلان کړه.
پدې لوبلړۍ کي درې يو ورځنۍ لوبي شاملي دي او د افغانستان په کوربتوب ترسره کيږي.

دا لوبي دوې میاشتي وروسته د ۲۰۲۱م کال د لومړۍ (جنوري) میاشتي پر ۱۸ نېټه پیلیږي.
افغان کرکیټ بورډ لیکي:

دا لوبې د ۲۰۲۳ز کال د یو ورځنیو نړیوال جام لوبو ته د لارموندنې په موخه د دغه نړیوال جام د سوپر لیګ سیالیو برخه دي.

اته میاشتي کیږي، چي افغان کرکیټ ملي لوبډلي هیڅ کومه نړیواله لوبه نه ده ترسره کړې او دا هغه وخت وو، چي د کرونا وبا له امله نړیوال ورزش درېدلی وو.

تېره ورځ افغان کرکیټ بورډ لیکلی وو، چي یو شمېر افغان لوبغاړي د کابل په سرپټي کرکیټ اکاډمۍ کي په تمریناتو بوخت دي.
د لوبغاړو نومونه یې نه دي په ډاګه کړي، وايي چي پدې کمپ کي لوبغاړي پر غوره توپ اچوني، توپوهني، تکړښت او فیټنس کار کوي.

Be the first to comment

Leave a Reply

Your email address will not be published.