سپورټ کرکټ وزش او تمرین

په IPL کې د ډیویلرز غوره شوې لوبډله؛ یو افغان هم پکې شته!

د سویلې افریقا کرکټ ملې لوبډلې مخکښ توپوهونکې اي بي ډي ویلرز د هندوستان په کورنیو آی پي ایل سیالیو کې خپل د خوښې یوه ۱۱ کسیزه لوبډله ټاکلې.

په یاده لوبډله کې د افغانستان د کرکټ ملې لوبډلې تکړه سلو توپ اچونکی راشدخان ارمان هم شته، چې د ډيویلرز لخوا غوره شوی.

یاده ۱۱ کسیزه لوبډله په دې ډول ده:

وریندر سیواګ، روهیت شرما، ویراټ کوهلي، اي بي ډیویلرز، بین سټوکس، ایم ایس ډوني، رویندرا جدیجا، راشدخان، بونیشور کمار، کیګسو ریباډا او جسپریت بومرا.

په دې لوبډله کې اي بي ډیویلرز لوبډلمشري د هند کرکټ ملې لوبډلې پخواني کپتان ایم ایس ډوني ته ورکړې.

د هغه ترڅنګ ایم ایس ډوني ته ویکټ ساتنه هم ورکول شوې.

ډیویلرز د سویلې افریقا کرکټ ملې لوبډلې لپاره ۱۱۴ ټیسټ، ۲۲۸ یو ورځنۍ، ۷۸ شل اوریزه او ۱۴۱ بیا فرسټ کلاس لوبې ترسره کړې دي.

هغه ټیسټ لوبو کې ۸۷۶۵، په یو ورځنیو لوبو کې ۹۵۷۷ منډې، په شل اوریزه لوبو کې ۱۶۷۲ منډې او په فرسټ کلاس لوبو کې یې بیا ۱۰۶۸۹ منډې جوړې کړې دي.

۳۶ کلن ډیویلرز د سویلې افریقا کرکټ ملې لوبډلې ترڅنګ نارترنز، ټیټانز، ډهلي ډارډیویلز، رویال چلینجرز بنګلور، بارابادوس ټریډینټس، تشواین سپارټېنز، لاهور قلندرز، رنګپور رایډرز، میډل سیسکس او بریسبین هیټ کلبونو لپاره لوبې ترسره کړې دي.

یاد کلبونه د سویلي افریقا، هند، اسټرالیا، بنګله دېش او پاکستان هیوادونو په کورني لیګونه کې ګډونوال دي.

اې بي ډیویلیرز د ۲۰۱۸م په مې میاشت کې له نړیوال کرکټ څخه استعفاء اعلان کړه، چې د نوموړي پدې بې وخته پریکړې سره د نړۍ ګڼو کرکټرانو او مینه والو خفګان ښکاره کړ.

خو اوس داسې راپورنه ورکول کیږي، چې ممکن هغه یو ځلې بیا سویلي افریقا لوبډلې ته راستون شي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ