د افغانستان د کرکټ ملي لوبډلې لوبغاړی شاپور ځدران د متحده عربي اماراتو پر وړاندې د ۳ کیدونکو ۵۰ اوریزه کرکټ سیالیو کې د ګډون څخه بې برخې پاتې دی.
د افغانستان کرکټ بورډ وايي، شاپور ځدران د متحده عربي اماراتو د ویزې د ستونزې له کبله لا هم د ملي لوبډلې سره نه دی یو ځای شوی په داسې حال کې چې د کرکټ بورډ چارواکي د نندارې لپاره اماراتو ته تللي دي.
خبره دا ده، چې، شاپور ځدران د متحده عربي اماراتو د ویزې د ستونزې سره د لمړي ځل لپاره نه دی مخ شوی؛ بلکې د کلونو راهیسې نوموړی د دغه مشکل سره مخ دی، خو کرکټ بورډ د دغه ستونزې په حلولو کې پاتې راغلی دی.
نږدې یوه میاشت وړاندې په متحده عربي اماراتو کې د انګلستان او اسټرالیا په نمایندګۍ د دوه کلبونو لخوا یوه خیریه سیالي پلان شوې وه، چې پکې شاپور ځدران او نجیب الله ځدران ته د لوبیدو زمینه برابره شوې، په هغې سیالۍ کې هم شاپور ځدران د ویزې د ستونزې له کبله ګډون ونشو کړی.
د ایرلینډ پر وړاندې د ۳ سیالیو لړۍ، چې په اوسني وخت کې د افغانستان لپاره د هرې سیالۍ ګټل حیاتي ارزښت لري او ۲۰ ورځې وړاندې کرکټ بورډ د دواړو لوبډلو ترمنځ د سیالیو رسمي خبر هم خپور کړ، نو ولې د لوبغاړو ویزه کې ستونزه پیدا شي، په داسې حال کې چې تازه د یوې خیریه سیالۍ څخه هم پاتې شوی دی؟
شاپور ځدران ته یوې نږدې سرچینې هم ، کرکټ بورډ د شاپور ځدران د متحده عربي اماراتو د ویزې د دایمي ستونزې په حل تورن کړی دی.
په متحده عربي اماراتو کې یو افغان ډیپلوماټ هم ویلي دي، چې کرکټ بورډ د افغان لوبغاړو د ویزې خبره د یو خصوصي شرکت سره کوي او چې شرکت پاتې راشي او ورباندې ټولې لارې بندې شي، نو کرکټ بورډ بیا سفارت سره په اړیکه کیږي.
چې د کرکټ بورډ نه وپوښتې، چې ولې ویزه ترلاسه نشوه؟ نو ځواب یې دا وي، چې مونږ ډیرې هلې ځلې وکړې، خو د ستونزې له کبله مو ونشو کړی، چې ویزه ترلاسه کړو.
شړق دې را پریوځي په داسې منطق او ستاسې په ځواب.
د سفارت ډیپلوماټانو هم درته حیا خوندي نه کړه او شرم یې درته په مخ در وویشت.
له بلې خوا په ټولنیزه شبکې فیسبوک پاڼه کې د ایرلینډ پر وړاندې د سیالیو ترسره کیدو د نندارې په موخه متحده عربي اماراتو ته د کرکټ بورډ د مشر د سفر لپاره د کرکټ بورډ بودیجې څخه د ۶۰۰۰ زره امریکايي ډالر چیک لیست خپور شوی دی، چې د دومره لکونو پیسو مصرفول د کرکټ بورډ د بودیجې سره ستر خیانت دی، ځکه چې د یو سفر لپاره چې ټول ۵ ورځې دوام کوي څنګه زرګونه مصرف شي، په داسې حال کې چې د یو لوبغاړي د ویزې ستونزه نشې حلولی؟