مارچ 2, 2021

د موتای افغان لوبغاړو په آسیایي سیالیو کي ۴ مډالونه وګټل

 د موتای په آسیایي سیالیو کي د افغانستان د موتای ملي لوبډلي ۴ بیلابیل مډالونه ترلاسه کړه.

 د افغانستان د المپيک ملي کمېټه وايي، چي په دې سیالیو کي افغان ټیم ۱ د سرو زرو، ۱ د سپینو زرو او ۲ بیا د برنزو مډالونه خپل کړل.
 یادو سیالیو کي له افغانستان نارینه او ښځینه دواړو لوبغاړو ګډون وکړ، چي پکښي شبنم حسین زاده په ۴۸ کیلو ګرام وزن کي د چین په وړاندي د یوې بریا او د ټایلنډ په وړاندي د یوې ماتي په خوړلو سره د برنزو مډال ترلاسه کړ.

 شکریې بهمني په ۶۰ کیلو ګرام وزن کي هندي سیالي ته په ماتي ورکولو سره د سرو زرو مډال وګاټه.
 آرزو حسین زاده بیا په ۴۸ کیلو ګرام وزن کي د یوې لوبي په استراحت او د هندوستانۍ لوبغاړي په وړاندي ئې بریا خپله کړه، چي د سپینو زرو مډال ورکړل سو.

 د افغانستان د موتای بل افغان لوبغاړي شېر حسین عظمي په ۶۰ کیلو ګرام وزن کي د برنزو مډال خپل کړ.
 د موتای دا آسیایي لوبي د متحده عربي آماراتو په کوربتوب ابوظبۍ ښار کي د رواني ډیسبمر میاشتی له ۱۶مي تر ۲۲مي نېټې پوري ترسره سوې.
 په دې سیالیو کي د افغانستان په ګډون د آسیا د ۳۶ هیوادونو څخه ۳۰۰ لوبغاړو ګډون کړی وو. د پولنډ د لیګ په نیم پړاو کي افغان لوبغاړی غوره لوبغاړی وټاکل سو

د سوداګریزو لوبو ۵ موخې

لیکوال: سپورټ یاران - برخه : سپورټ

له افغانستان نیولې تر پاکستان، هندوستان، بنګله دېش، سریلانکا، عربي متحده امارات، اسټرالیا، انګلستان، سویلي افریقا، امریکا، ویسټ انډیز او کاناډا سوداګریز لیګونه لري او د نړۍ له مختلفو هېوادونو نړیوال لوبغاړي اخلي او لوبوي ... نور ولولئ