مارچ 6, 2021

که دغه ۳۰ کارونه وکړئ، د خلکو نه خوښیږئ

Advertisements

ژباړه: مریم محمدي
د انسانانو ځیني عادتونه داسې وي، په نورو ښه نه لګیږي، راځئ دغه کارونه له نن وروسته مه کوئ، تر څو د خلکو په زړه کې ځای ولرئ، او یو عزتمن شخص اوسئ:
۱- نورو ته په ټوکو کې هم بدې خبرې مه کوئ، هر شخص ته په درنه سترګه وګورئ.
۲- هر څه له نورو مه غواړئ، لکه: پیسې، موټر، کمپیوټر، تلفون، کالي، بوټ او داسې نور
۳- په کار خو دا ده، چې د نورو په مخکې ژاوله ونه ژوئ، خو که ژوئ یې هم نو غږ یې مه باسئ.
۴- د چا په شخصي کار کې کار مه لرئ، یعنې د پټو رازونو په اړه یې پلټنې مه کوئ.
۵- نامناسب کالي مه اغوندئ، هر ځای ته په کتو جامې انتخاب کړئ، په غم کې سنګینه یا نرم کالي واغوندئ، په خوښیو کې بیا ښکلي او تازه رنګ وټاکئ.
۶- که چیرې له چا سره په ستونزه کې مرسته نشۍ کولای، خندا هم مه کوئ.
۷- د خبرو په وخت کې له ناوړه یا هم د زشتو کلیمو له استعمال نه په کلکه ډډه وکړئ.
۸- سګرټ سربیره په دې چې ځاني تاوان لري، په ټولنه کې هم شخصیت ته زیان رسوي، ښه ده، د نورو په مخ کې ونه څښئ.
۹- ځان خپه مه نیسئ، په مجلس کې په خپل نوبت خبرې وکړئ، ترڅو فعاله ښکاره شئ.
۱۰- د نوبت پر مهال بې نظمي مه کوئ، خپل نوبت ته منتظر اوسئ.
۱۱- دوستانو او خپلوانو ته مو له لیدولو مخکې خبر ورکړئ.
۱۲- که له چا سره کینه لرئ، د نورو په مخ کې یې مه ښکاره کوئ.
۱۳- د ستړي مشي یا سلام په وخت کې ډېرې پوښتنې مه کوئ.
۱۴- نارینه دې د سلام په وخت کې ښځو ته لاس نه اوږدوي.
۱۵- د ستړي مشي په وخت کې ډېر کلک لاس مه ورکوئ.
۱۶- د خبرو اداب زده کړئ، د نورو خبرې مه پریکوئ.
۱۷- له خپل صفت او د خلکو له غیبت نه لاس واخلئ.
۱۸- د بې وسه خلکو په مخ کې ځان لوړ مه حسابوئ.
۱۹- په مجلس کې ګونګې خبرې او پټه خندا مه کوئ.
۲۰- په پزه، خوله، مخ او ویښتانو کې لاس مه وهئ.
۲۱- د نورو په مخ کې اولادونو ته نصحت مه کوئ.
۲۲- د خبرو په وخت د مقابل لوري مخ ته وګورئ.
۲۳- که خیر مو چا ته نه رسیږي زیان هم مه رسوئ.
۲۴- د میلمستیا پر وخت ډېر خواړه مه خورئ.
۲۵- کثافت په خپل ځای کې واچوئ.
۲۶- د چا په اړه بې ځایه قضاوت مه کوئ.
۲۷- په ډکه خوله خبرې مه کوئ.
۲۸- له تیلیفون نه ډېر کار مه اخلئ.
۲۹- توهین او کنایه مه وايئ.
۳۰- احساساتي کړنې مه کوئ.
سرچینه: روانشناسي براي همه