اپریل 14, 2021

د مغز د زړښت اصلي لامل کشف شو

Advertisements
ژباړه

د څېړونکو يوې ډلې د څېړنې په ترڅ کې د مخکې له وخته د مغزو د زړښت لامل د ميلين د غلاف/پوښ په له منځه وړلو پورې مربوط وګاڼه. ميلين پروتيني پوښ دى، چې عصبي رشتې يې پوښلي دي.

د دغې څېړنې ليکوالانو د ميلين د توليد مسوول جن پېژندلى، چې د هغوى په اند په راتلونکې کې د مغزو د ځوانولو لپاره د درملو د جوړولو شونتيا برابروي.

د دغې څېړنې پايلې په Aging Cell مجله کې خپرې شوي دي.

ميلين د يو عايق/ ساتونکي پوښ په څېر د “عصبي رشتو” شاوخوا مغز – اکسون چې د مغزو د سلولونو ترمنځ اړيکه جوړوي; عمل کوي.

د ميلين په ساتونکي پوښ کې اختلال د عصبي کړنو پر فعاليتونو او چټکتيا منفي اغېز لري او دا کړنه د شناختي چارې په کمېدلو او د ځينو عصبي ناروغيو لکه مولتيپل اسکلروز او الزايمر ناروغۍ رامنځته کېدلو سبب ګرځي.

په انګلستان، المان او اېټاليا کې د اعصابو د علم پوهانو وموندله هغه حجرې چې “ميلين” د بيا رغونې ماده، چې د عمر لوړېدو سره حجرې د ميلين د ځايناستې وړتيا له لاسه ورکوي لکه د  خبرو کولو توان له منځه تلل. هغوى يو اصلي جن وپېژانده، چې د عمر په زياتېدلو سره د حجرو وړتيا د ميلين د ځايناستي کېدلو لپاره له لاسه ورکوي.

د ځوانو او زړو موږکانو د جنونو د مقايسې سره، د دې ليکنې ليکوالانو وڅارل چې د عمر په زياتېدلو سره د بدن کومه کړنه زياته ګډوډېږي. دا کړنه هغوى ته اجازه ورکوي هغه لاملونه چې د اليګودندروسيتونو “د مغز سپينه او خړ رنګه مادې” او د ميلين د توليد د بيا ځلي کمښت سبب او په پاى کې د مغزو د زړښت لامل کېږي، پيدا کېږي.

دغه نوې موندنې، د عمر په تړاو د رفتاري حجرو د تغييراتو د څېړلو لپاره مهم ګام ګڼل کېږي.

څېړونکي وايي، موږ هيله‌مند يو چې د دغه څېړنې پايلې يوه ورځ وکولاى شي، په بېلابېلو وګړو په ځانګړې توګه په عمر پخو کسانو کې چې د عصبي ناروغۍ لکه الزايمر څخه کړېږي، مرسته وکړي

 

ذهني نقشه؛ که د ازموینو پرمهال ترې استفاده وکړئ، ښې نمرې به ترلاسه کړئ

لیکوال: عایشه حیدري ، کابل - برخه : ځوانان او زده کړې

Advertisements ذهني نقشه یو ډیاګرام دی چې د نظرونو، فعالیتونو، یا نورو کلیدي ټکو یا مفکورو پورې اړوند توکو د څرګندولو ډیاګرام دی چې دا ډیاګرام د نظرونو او افکارو رامنځته کولو، تنظیمولو، او جوړښت ... نور ولولئ