فبروري 28, 2021

امریکا په ۲۰۲۱م کې تر ټولو کم مهاجرین مني

راپور: نسیمه محمدي

د امریکا د بهرنیوچارو وزارت، خبر ورکړی، چې دغه هېواد په ۲۰۲۱م کې پنځلس زره ګډوال مني، چې د ۱۹۸۰م کال وروسته تر ټولو کم رقم دی او ریکارډ یې جوړ کړ.
د راپورونو پر اساس، د امریکا د ولسمشر ډونالډ ټرامپ له لوري دا پرېکړه د بشر دوستۍ د اصولو د توجیې او د ملي ګټو پر بنسټ شوې ده.
ډونالډ ټرامپ په ۲۰۱۶م کې، کال په کال د کډوالو شمېر راکم او وروستی ځل یې ۱۸ زرو کسانو ته رسولی دی. خو انتخاباتي سیال یې جوبایډن بیا د بریا په صورت کې د ۱۲۵ زرو کډوالو د منلو ژمنه کړې ده.
پر دې سربېره، د نویو قوانینو پر اساس، امریکا د استثنایي مواردو څخه، له یمن، سوریې او سومالیې ګډوال نه مني. ویل کېږي چې تېر مالي کال په امریکا کې اتلس زره ګډوال منل شوي دي په داسې حال کې چې تر دې یو کال وړاندې دا شمېره ۳۰ زرو ته رسېدله.

د ښاغلي ټرامپ د کډوالۍ ضد سیاست، د بشري مدافعینو تُند غبرګونونه پارولي او د ټرامپ لیدلوری یې د اصیلو امریکايي ارزښتونو سره په ټکر کې یاد کړي دي.
په ۲۰۱۹م کال کې د امریکا عالي محکمې پرېکړه وکړه، د هغو ګډوالو لپاره چې مشخص شرایط نه پلي کوي، پناه نه ورکول کېږي.
د کډوالو منلو د ځانګړې کړنلارې سره سم، امریکا هغو کډوالو ته چې د ملګرو ملتونو له لوري مستحق ګڼل کېږي، د کډوالۍ ويزه ورکوي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




د افغانستان او زیمبابې لوبه؛ منیر کاکړ پکې ۱۲۵ ناسوځېدلې منډې وکړې

لیکوال: محمد صابر حمیدي ، کندهار - برخه : سپورټ

لیکنه: محمدصابر حمیدي   د افغانستان او زیمبابې ترمنځ درې ورځنۍ تمریناتې لوبه ترسره شوه، چې یاده لوبه پرون شنبه بې پایلې پای ته ورسېده او افغان لوبغاړي منیر کاکړ پکې د لسو څلوریزو او ... نور ولولئ