سپورټ فوټبال

سږ کال د سرو زرو توپ هیڅ فوټبالر ته نه ورکول کیږي!

لیکنه: محمدصابر حمیدي

فرانس فوټبال په رسمي ډول اعلان وکړ، چې په روان ۲۰۲۰م کې د فوټبال غوره لوبغاړي ته د سرو زرو توپ ورکولو مراسم لغوه شوه.

فرانس فوټبال مجلې د یوې اعلامیې په خپرولو سره ویلې، چې سږ کال د کورونا ویروس له امله دا مراسم لغوه شوه او هیڅ د فوټبال لوبغاړي ته به د سرو زرو توپ ورنه کول شي.

يه یادي اعلامیې کې راغلي:

«د ۱۹۵۶م څخه راوروسته د لومړي ځل لپاره د سرو زرو توپ نه ورکول کیږي، ددې جایزې د ورکړې مراسم لغوه شوه؛ ځکه سږ کال شرایط ورته نه وو برابر. موږ په دې باور یو چې ۲۰۲۰ کال یو خاص کال وو او دا کال د نورو کلونو سره نشو پرتله کولای.»

د سرو زرو توپ د ۱۹۵۶م کال څخه راوروسته هر کال د نړۍ تر ټولو غوره فوټبالر ته ورکول کیږي، چې سږ کال د لومړي ځل لپاره لغوه اعلان شو.

د راپورنو له مخې په سږني کال کې د سرو زرو توپ ګټلو لپاره د روبرت لواندوفسکي، کوین ډي بروین، کریسټیانو رونالډو، لیونل میسي او کیلیان ام باپې امکان زیات وو.

ځکه دا لوبغاړي د فوټبال په سږني پړاو کې ښه وځلېدل.

د سرو زرو توپ په نړۍ کې تر هر فوټبالر د بارسلونا کلب لوبډلمشر لیونل میسي ډېر ګټلی.

هغه توانېدلی، چې ۶ ځلې د سرو زرو توپ ترلاسه کړي.

تر میسي راوروسته د نړۍ بل قوي فوټبالر رونالډو بیا دا جایزه ۵ ځلې ترلاسه کړې.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ