ګوتریش: افغانان باید له خطر او ستونزو وژغورل شي

ملګري ملتونه وایي د افغانانو ژوند د لوږې او بېوزلۍ له امله له سخت وضعیت سره مخ دی.

د ملګرو ملتونو عمومي منشي د افغانستان په تړاو د ملګرو ملتونو د امنیت شورا غونډې ته د خبرو پر مهال وویل، چې افغانان د ژمي او لوږې له امله له سختو ستونزو سره مخ دي او نړیوالې ټولنې ته په کار ده چې ددغه ستونزې د حل لپاره اړینې مرستې وکړي.

هغه وایي چې د افغانستان کنګل شوې شتمني دې ازاده شي، افغانستان ته دې د پیسو د لېږد زمینه برابره شي او په دغه هېواد کې دې د نقدو پیسو د نشتون ستونزه هم حل کړل شي.

انتونیو ګوتریش د ملګرو ملتونو له مرستندویه خواوو هم غوښتي چې له افغانستان سره په خپلو مرستو او همکاریو کې پراختیا راولي او په دې توګه د افغانانو ستونزې ختمې کړي.

About عاقله اسد 1244 Articles
په کابل کې د یاران خبریاله