سپورټ کرکټ کرونا نړۍ

کورونا؛ د نیوزیلینډ او بنګله دېش لوبې لغوه شوې!

ټاکل شوې وه، نیوزیلینډ او بنګله دېش کرکټ ملې لوبډلې یو د بل په وړاندې د بنګله دېش هیواد په کوربتوب دوې ټیسټ لوبې ترسره کړي وای، خو د کورونا ویروس اله امله نن سې شنبه لغوه اعلان شوې.

د بنګله دېش کرکټ بورډ په دې تړاو ویلې، چې په دې حساسو شرایطو کې د یوې لوبډلې کوربتوب کول خورا سخت کار دی.

د یاد بورډ په خبره، چې تر خبرو اترو وروسته دواړه هیوادونه دې پریکړې ته ورسېدل، چې یادي لوبې لغوه اعلان کړې.

د بنګله دېش او نیوزیلینډ لوبډلو ترمنځ په اګسټ او سیپټمبر میاشتو کې دوې ټیسټ لوبې پلان شوي وې.

له کله چې کورونا ویروس په نړۍ کې خپور شوی د کرکټ ټولې لوبې یا هم وځنډول شوې او یا هم لغوه شوې، خو اوس یو ځلې بیا د کرکټ لوبو پيلېدو ته هیلي زیاتي شوي.

د کرکټ لوبې بیا پيلدو په دوام انګلستان لوبډله په خپل کوربتوب راتلونکې جولای میاشت د دریو ټیسټ لوبو لپاره د ویست انډيز کوربتوب په غاړه لري.

دې لړۍ ته هم انګلستان او هم بیا ویسټ انډيز خپلې لوبډلې اعلان کړي دي.

له هغه وروسته انګلستانۍ لوبډله د یوه بل هیواد پاکستان کوربتوب د بیلابیلو سیالیو کوي.

د انګلستان او پاکستان ترمنځ د انګلستان په کوربتوب درې شل اوریزه او درې بیا ټیسټ لوبې پلان شوي.

پاکستان یادو لړیو ته خپله لوبډله اعلان کړې ده، خو انګلستان لا تراوسه نده اعلان کړې.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ