که رهبر یې یا شوې؛ دا ۵ ټکي درته ضرور دي!

لیکنه: الیسن
ژباړه: غازي عابد
په غوره او اغیزمنه مدیریت او رهبرۍ کې با کیفیته څارنه او قوي مفاهموي مهارتونه درلودل ضرور دي. خو ددې تر څنګ دا وړتیا هم ضرور ده چې د ټیم په مدیریت او په مدیریتي نظریو او لارو وپوهیږې.
که ته رهبر یې یا رهبر شوې؛ دا ۵ مدیریتي ټکي پام کې لره!
۱- مثبتې کاري اړیکې جوړول
لومړی له خپل ټیم سره تر ټولو غوره او قوي مثبتې اړیکې جوړول خور ضروري دي. له قوي اړیکو وروسته هره موخه ترلاسه کولی شئ، خو له دې پرته به بیشکه تر پوښتنې لاندې او ناکام یاست.
۲- په ښه کار اعتراف کول
مننه د تحرک او انګیزې راپورته کیدو کلي ده. که چیرته د خپل کارمند مننه او شکریه ادا کړئ، لا به تشویق شي. نو غوره ده چې هر کله مو مامور کوم ښه کار ترسره کوي، بې له تشویقي او مننې یې پرینږدئ، که دا مننه هر څومره وي. یعنې باید د خپل کارکوونکي په ښه کار اعترام وکړئ.
۳- واک او اختیار ورکول
هڅه وکړئ چې خپلو کارکوونکو ته د مسوولیتونو تر څنګ واک و صلاحیت هم ورکړئ، څو ډاډه اوسي چې رښتیا هم یو مسوولیت او صلاحیت لري. کله چې مامور خوښ او ډاډه شو، لا ډیر غوره کولی شي.
۴- هیلې او اهداف مو واضح کړئ
څه شی، کله، چیرته او ولې. یعنې کومه کارونه کوئ؟ ولې یې کوئ؟ چیرته یې کوئ او کله به یې ترسره کوئ؟
که چیرته ستاسې اهداف او موخې نه وي معلومي، نو کارکوونکي به څرنګه کار وکړي او څرنګه به یې ترلاسه کړي. ځکه وایو چې موخې مو معلومې او مشخصې کړئ. که داسې ونه کړئ، همداسې به نامعلومه او بې فایدې روان یاست.
۵- همکاري مو زیاته کړئ
خپلو کارکوونکو سره مو همکاري پراخه کړئ، په هر مناسب وخت کې ورته همکاري، لارښوونه وکړئ او خپل معلومات او ښې مشورې مو ورسره شریکې کړئ.
ځکه د مشر یا رهبر مشوره کارکوونکی لا بډایه کوي او ډاډمنوي یې چې رهبر ورسره ښې اړیکې او پام پرې لري.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




خلیلزاد: وروستی تاوتریخوالی وحشتناک و، طالبان دې دایمي اوربند وکړي

لیکوال: عاقله اسد - برخه : افغانستان

د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد د اوربند د اعلان هرکلی کړی دی. نوموړي په تازه څرګندونو کې ویلي په افغانستان کې د تاوتریخوالي وروستۍ کچه وحشتناکه ... نور ولولئ