سپورټ فوټبال

کندهار کي د غوره لیګ په نوم د فوټبال لوبي پای ته ورسېدې.

ليکنه: صابرحميدي

کابو دوې میاشتي مخکي د کندهار عینومیني په احمدولي خان فوټبال لوبغالي کي د ۸ قوي لوبډلو ترمنځ د فوټبال لوبي پیل سوي وې، چي پرون جمعه د موجهای آمو په نوم د یوې لوبډلي په اتلولۍ سره پای ته ورسېدې.

د یادو سیالیو مسئول محمدطاهر طاهري یاران ته وویل، چي د یادو سیالیو پایلوبه د موجهای آمو او عقاباند هندوکش فوټبال ټیمونو ترمنځ د سلګونه مینوالو په شتون کي ترسره سوه.

د طاهري په خبره، چي پایلوبه صفر په مقابل کي د صفر په مساوي ډول پای ته ورسېده، خو وروسته په پینالټيو کي موجهای آمو بریا خپله کړه او د یادو سیالیو لومړی مقام ئې وګاټه.

د یادو سیالیو په پای کښي د مقام لرونکو لوبډلو ترڅنګ یو شمېر غوره لوبغاړو ته هم جایزې ورکړل سوې.

د پایلوبي لوبېدونکي لوبغاړي د یادو سیالیو څخه خوښي ښيي او وايي، چي راتلونکي کي دا ډول لوبي نوري هم ورته ترتیب کړل سي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.