Advertisements
سپورټ

کریس ګیل د حیدر اباد پر بالرانو زړه تش کړ

د هندوستان د کورني کرکټ (آي پي ایل) ۲۰ اوریزه تجارتي سیالیو یولسم پړاو ۱۶ لوبه کې ویسټ انډیزي کریس ګیل د خپل بې رحمه بیټینګ پرمټ د سنرایزرز حیدر اباد لوبډلې بالرانو څخه زور وویست.

د یولسم پړاو (آي پي ایل) سیالیو ۱۶ مه لوبه کې د سنرایزرز حیدر اباد او کینګز ایلیون پنحاب لوبډله سره مخامخ شوې، چې پکې پنجاب لوبډلې په لمړۍ توپ وهنه کې د ویسټ انډیزي کریسټپر هینري ګیل د سلیزې جوړولو سره حیدر اباد لوبډلې ته د ۱۹۴ منډو هدف وټاکلو.

د کریس ګیل په سلیزې ۱۰۴ منډو کې ۱۱ شپږیزې شاملې وې، چې پکې یې ۶ شپږیزې د افعان لوبغاړي راشد خان خلاف ترسره کړې.

کریس ګیل د ۱۰۴ منډو په دې اننګز ترسره کولو سره په (آي پي ایل) لوبو کې خپله ۵ مه سلیزه جوړه کړه.

نوموړي له دې وړاندې په ۲۰۱۳ م کال کې په یو اننګز یا پاڼۍ کې ۱۷۵ منډې جوړې کړې وې، چې تر دې مهاله بل کوم لوبغاړي په یو اننګز کې دومره منډې نه دې جوړې کړې.

Advertisements

د لیکوال/ لیکوالې په اړه

احسان الله ساپی