که نننۍ لوبه افغانستان وګټي، نو سریز خپلوي!

ټاکل سوې نن یکشنبه افغان او ایرلینډ کرکیټ ملي لوبډلي د درو شل آوریزه سیالیو د لړۍ دوهمه لوبه نن ترسره کړي.
افغان کرکیټ بورډ وايي، چي دا لوبه نن ماپښين ۱ بجه د هندوستان په ګریټر نویډا کرکیټ لوبغالي کي ترسره کیږي.
د بورډ په خبره، چي دا لوبه د افغانستان ملي سپورټ ټلویزیون په ژوندۍ بڼه خپروي.

افغان لوبډلي تر دې مخکي وړمه ورځ په لومړۍ شل آوریزه لوبه کي ایرلینډ ته د ډي ایل مېتود په اساس په ۱۱ منډو توپير ماته ورکړه.
په یاده لوبه کي لومړی ایرلینډ توپوهنه وکړه، چي په ټاکلو ۲۰ آورونو کي ئې د ۶ لوبغاړو په سوځېدو سره افغانستان ته د ۱۷۳ منډو هدف وټاکه.
 
کله چي افغان لوبډله د هدف پوره کولو لپاره میدان ته کښته سوه، نو د لوبي په ۱۵ آورونو کي ئې د ۵ لوبغاړو په سوځېدو سره ۱۳۳ منډي کړې وې، چي باران سو.
وروسته افغانستان ته په ۳۰ توپونو ۴۰ منډي په کار وې، چي باران لا دوام کړ او وروسته د لوبڅارانو د پریکړې په بنسټ افغانستان ته په ۱۱ منډو بریا ورکړل سوه.

د لومړنۍ لوبي غوره لوبغاړی راشدخان ارمان وټاکل سو، چي د ایرلینډ درې لوبغاړي ئې وسوځول.

افغانستان او ایرلینډ لوبډلي تر ننۍ دوهمي لوبي وروسته د لړۍ درېیمه لوبه راتلونکې سې شنبه ترسره کوي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي