اپریل 23, 2021

کابل کې وسله والو غلو په یوې مدني فعالې برید کړی

د کابل په احمد شاه بابا مېنه کې موټر سایکل سپرو په یوې مېرمنې برید کړی او هغه یې ژوبله کړې ده.

رسنیو ته د ورکړل شویو معلوماتو له مخې، د احمدشاه بابا مېنې ۱۵ بلاک کې په فاطمې یوسفزۍ چې ویل کېږي مدني فعاله ده، دوو موټر سایکل سپرو نن دوشنبه پرې د بوکس پنجې وارونه کړي او هغه یې ټپي کړې ده.

د سیمې د خلکو په خبره چې موټر سپرو غوښتل د مېرمن یوسفزۍ ټلیفون او پیسې وتښتوي، خو غله بریالي شوي نه دي او له سیمې څخه په تېښته بریالي شوي.

ځايي خلک وايي، که د غلو مخنیوی ونه شي، نو لرې نه ده چې یوه ورځ به یې ناموس ته هم لاس واچول شي.

بله خوا فاطمې یوسفزۍ ویلي چې مسؤلین باید د سیمې په امن کولو کې خپل مسؤلیت ادا کړي او د ورته پېښو مخنیوی دې وکړي.

دا په داسې حال کې ده چې په کابل کې او ولایتونو کې د نورو امنیتي ستونزو سره سره خلک د دا ډول پېښو څخه سر ټکوي او وايي چې په رڼا ورځ د ښار او بازار په منځ کې چور کېږي او د جېب سامانونه یې ترې تښتول کېږي.

عام خلک امنیتي مسوولین د خلکو په امنیت ساتلو کې په ناغیړۍ تورنوي.

وروستي مطالب