سپورټ وزش او تمرین

کابل کي د وزن پورته کولو ټاکنیزي سیالۍ پاي ته ورسېدې.

ليکنه: صابر حميدي

تېره یکشنبه په کابل ولایت کي افغانستان ملي ټیم ته د غوره لوبغاړو موندلو په موخه د وزن پورته کولو سیالۍ پيل سوې وې، چي په لسګونه لوبغاړو پکښي ګډون کړی وو.

د افغانستان اُلمپيک ملي کمېټې پر رسمي فیسبوک پاڼه راغلي، چي د وزن پورته کولو په دې سیالیو کي د کابل په ګډون د هیواد د لسو ولایتونو څخه ۱۲۰ تنو لوبغاړو ګډون کړی وو.

پر یاده فیسبوک پاڼه لیکل سوي، چي یادو ۱۲۰ تنه لوبغاړو په ۱۰ بیلابیلو وزنونو کي د لویانو او ځوانانو په برخه کي یو د بل په وړاندي سیالۍ ترسره کړې.

د ورکړل سوو معلوماتو له مخي، چي د یادو سیالیو په لړ کي د کابل، هرات، جوزجان، کندز او بغلان ولایتونو څخه لوبغاړو ښه مقامونه خپل کړي.

د افغانستان د وزن پورته کولو فدراسیون وايي، چي د یادو سیالیو په پای کښي د افغانستان وزن پورته کولو ملي ټیم ته ۶۰ لوبغاړي غوره سول.

یاد فدراسیون وايي، چي غوره سوي لوبغاړي د لویانو او ځوانانو دواړو برخو کي وه.

یادي لوبي درې ورځنۍ وې، چي تېره یکشنبه پيل سوي وې او پرون سې شنبه پاي ته ورسېدې.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.