کابل کي د وزن پورته کولو ټاکنیزي سیالۍ پيل سوې.

ليکنه: صابرحميدي
پرون یکشنبه په کابل ولایت کي افغانستان ملي ټیم ته د غوره لوبغاړو موندلو په موخه د وزن پورته کولو سیالۍ پيل سوې، چي په لسګونه لوبغاړو پکښي ګډون کړی.
د افغانستان د اُلمپيک ملي کمېټې پر رسمي فیسبوک پاڼه راغلي، چي د وزن پورته کولو په دې سیالیو کي کابل او د هیواد د یو شمېر نورو ولایتونو څخه ۱۲۰ تنو لوبغاړو ګډون کړی.

پر یاده فیسبوک پاڼه لیکل سوي، چي یادو ۱۲۰ تنه لوبغاړي به په ۱۰ بیلابیلو وزنونو کي د لویانو او ځوانانو په برخه کي یو د بل په وړاندي سیالۍ ترسره کړي.
د افغانستان د وزن پورته کولو فدراسیون وايي، چي د یادو سیالیو په پای کښي به د افغانستان وزن پورته کولو ملي ټیم ته ۶۰ لوبغاړي غوره سي.

یاد فدراسیون وايي، چي غوره سوي لوبغاړي به د لویانو او ځوانانو دواړو برخو کي وي.
یادي لوبي درې ورځنۍ دي او سبا سې شنبه ناوخته پای ته رسیږي.




وروستي مطالب