افغانستان سپورټ فوټبال

کابل کي د نجونو ترمنځ فوټبال لیګ پای ته ورسېد.

د مسئولینو په خبره دوې اونۍ مخکي په کابل ولایت کي د نجونو ترمنځ د فوټبال لیګ پيل سوی وو، چي پرون یکشنبه د مارچ میاشتي په ۸مه نېټه په یو لړ خاصو مراسمو سره پای ته ورسېد.

د افغانستان فوټبال فدراسیون وايي، چي د نجونو ترمنځ د فوټبال په یاد لیګ کي د کابل ښار د بیلابیلو سیمو څخه ۸ د الف لوبډلو ګډون کړ او په پای کښي د ستاره های بنین لوبډلي په لومړي مقام خپلولو سره پای ته ورسېد.

ستارهای بنین لوبډلي په یاد لیګ کي ۲۱ نمرې په خپلولو سره لومړی او د کابل ځوانانو بیا د ۱۸ نمرو په خپلولو سره دوهم مقام وګاټه.

د سیالیو په پای کښي د اشیانه لوبډلي څخه مرسل شېرزۍ غوره ګولوهونکې، د ستارهای بنین لوبډلي څخه کبرا غوره ګول ساتونکې او ام البنین چي هم د ستارهای بنین لوبډلي لوبغاړې وه د ټول لیګ غوره لوبغاړې وټاکل سوه.

د یاد لیګ تر ټولو اخلاق لرونکې لوبډله بیا د ابوالقاسم لوبډله وپېژندل سوه او ځانګړی سوی کپ یادي لوبډلي ته د افغانستان فوټبال فدراسیون له لوري ورکړل سو.

د نجونو ترمنځ د فوټبال د یاد لیګ اصلي موخه د غوره ځوانو ښځينه لوبغاړو موندل او مارچ ۸مه چي د ښځو نړیوال ورځ ده نمانځل وه.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ