ډیويډ پيټریس:طالبان فقط د امریکایانو د ویستلو او د زندانیانو خوشي کول غواړي

جنرال

امریکايي پوځي او د امریکا د استخباراتي ادارې پخوانی مشر ډیویډ پېټریس وایي طالبان یوازې دا غواړي چې امریکایي عسکر له افغانستان ووځي او د دوی زندانیان له بنده خوشي شي.

نوموړي په تازه څرګندونو کې په افغانستان کې اوسنی وضعیت د جدي اندېښنې وړ بللی دی او په دې باور دی چې طالبان د سولې په برخه کې ناغېړي کوي.

هغه ویلي چې طالبانو د تاوتریخوالی د کمولو لپاره نه بلکې د خپلو زندانیانو د خوشي کولو او همدا راز له افغانستان د امریکایي ځواکونو د وتلو لپاره هوکړه لاسلیک کړې ده.

بلخوا د په افغانستان کې د امریکا پخواني سفیر راین کراکر هم د امریکايي ځواکونو ایستل خطرناک اقدام بللی دی.

د هغه په وینا که امریکایي حکومت د سرتېرو د ایستلو پرېکړه وکړي نو په افغانستان کې به د خونړۍ جګړې له امله ناورین رامنځ ته شي.

په ورته وخت کې د امریکا د دفاع وزارت ویاند جان کربي تېره شپه له رسنیو سره په خبرو کې ویلي دوی د افغانستان وضعیت له نږدې څاري.

د کربي په خبره په افغانستان کې تاوتریخوالی اوج ته رسېدلی دی او دا مسئله د جدي اندېښنې وړ ده.

د هغه په وینا د سولې له خبرو سره هممهاله ټاکل شوې وه چې تاوتریخوالی کم شي، خو اوسنی روان تاوتریخوالی ښيي چې وضعیت کړکېچن دی او افغانان د جګړو له ډېرېدو اندېښنه لري.

پنټاګون تر دې وړاندې هم ویلي وو چې په افغانستان کې د تاوتریخوالي اوسنۍ کچه د جدي اندېښنې وړ ده خو په دې تړاو یې خپل اقدامات نه دي روښانه کړي.

About هوسۍ لؤنګ 848 Articles
په کابل کې د یاران خبریاله

Be the first to comment

Leave a Reply

Your email address will not be published.