ډيويډ وارنر په ۲۰ اووريز سيريز کي ناسوځيدلی پاته سو!

ليکنه: مدثر دعوت
د اسټراليا او سريلانکا ترمنځ د ۳ شل اووريزو لوبو سيريز پايته ورسيدی.
سريلانکا د سيريز يوه لوبه هم ونه ګټله او د اسټراليا له لوري کلين سويپ سوه.
ډيويډ وارنر د اسټراليا لپاره د غوره اوپنر دنده اجرا کړه او ويې سول کولای په هره لوبه کي ځانګړې توپوهنه وکړي او خپله لوبډله بريا ته ورسوي.
د ۳ لوبو په سيريز کي د سريلانکا يو توپ اچوونکی پدې ونه توانيدی چي حد اقل يوځل هم ډيويډ وارنر وسوځوي يايې هم د نيمه سليزي څخه راوګرځوي.

ډيويډ وارنر د سريلانکا په وړاندي لومړۍ لوبه کي سليزه ووهله په دويمه لوبه کي يې ۶۰ منډي وکړې او په دريمه لوبه کي يې ۵۷ ناسوځيدلي منډي وکړې،او ويې سول کولای چي په نړيوال شل اووريز کريکټ کي ۲۰۰۰ منډي پوره کړي.
نوموړی ۳ واړه لوبو کي غوره لوبغاړی اعلان سو، همدارنګه وارنر د سريلانګا په وړاندي د سيزيز د غوره لوبغاړي جايزه هم وګټله.

هيره دي نه وي چي تر يو کلن بنديز وروسته دا لومړی نړيوال ۲۰ اووريز سیریز دی چي ډيويډ وارنر پکښې ولوبيد.
ډيويډ وارنر په روان ۲۰۱۹ز کال کي په ۲۲ شل اووريزو لوبو کي په ۷۰.۷۵ اوسط سره ۱۱۳۲ منډي کړي چي ۲ سليزي لري.

نوموړي د نړيوال شل اووريز کريکټ په ۷۳ لوبو کي ۲۰۰۹ منډي کړي چي ۱۵ نيمه سليزي او يوه سليزه لري.

په هلمند کې تازه جګړو له ۹۰۰زیاتې کورنۍ بې کوره کړي

لیکوال: ياران، جلال اباد - برخه : افغانستان

لیکنه: ظریف الله ساحل د هلمند د کډوالو او راستنېدونکو چارو رئیس وايي’ له تېرې یکشنبې د تازه جګړو له کبله په سلګونو کورنۍ د هلمند بېلابېلو برخو ته کډه شوي دي. سید محمد رامین ... نور ولولئ