Advertisements
سپورټ نړیوال کرکټ

ډوپلیسیس د ځوانو لوبغاړو په خاطر له لوبډلمشرۍ استعفاء وکړه!

د سویلي افریقا د کرکیټ ملي لوبډلي تکړه توپ وهونکي او لوبډلمشر فاف ډوپلیسیس د سویلي افریقا د درې واړه فارمټونو د لوبډلمشرۍ څخه استعفا ورکړه.

هغه د دوشنبې په ورځ په رسمي ډول د شل آوریزه، یو ورځنیو او ټیسټ سیالیو د درې واړه فارمټونو څخه استعفا اعلان کړه.

هغه ویلي ځکه ئې د سویلي افریقا د لوبډلمشرۍ څخه استعفا‌‌ء کړې، چي ځوان لوبغاړي ډي کوک به په خپلي مشرۍ د سویلي افریقا د کرکیټ ځوان نسل په روزولو او پاللو کي مرسته وکړي.

SOUTHAMPTON, ENGLAND – JUNE 05: Faf du Plessis of South Africa reacts after David Miller of South Africa drops a catch off Rohit Sharma during the Group Stage match of the ICC Cricket World Cup 2019 between South Africa and India at The Hampshire Bowl on June 05, 2019 in Southampton, England. (Photo by Alex Davidson/Getty Images)

هغه د دې ترڅنګ دا هم ویلي، چي د سویلي افریقا کرکیټ نوی پړاو ته داخلیږي او پکښي ځوان لوبغاړي ځلیږي.

ډوپلیسیس زیاته کړې، چي زه به د ملي لوبډلي په درې واړه فارمټونو کي سیالۍ د خپلو ځوانو لوبغاړو ترڅنګ ترسره کړم او خپلي تجربې به له ځوانو لوبډلمشرانو سره شریکي کړم.

ډوپلیسیس هغه ۳۵ کلن لوبغاړی دئ، چي د سویلي افریقا کرکیټ ملي لوبډلي لپاره په توپوهنه کي خورا ښه لوبغاړی تمام سوی او په زرګونه منډي ئې د خپل هیواد لپاره په درې واړه فارمټونو کي ترسره کړي دي.

تازه سویلي افریقا د آسټرالیا په وړاندي راتلونکو درو شل آوریزه سیالیو ته خپله لوبډله اعلان کړه، چي پکښي کوینټن ډیکوک لوبډلمشر ټاکل سوی.

ډي کوک ته د انګلستان په وړاندي درو یو ورځنیو او درو شل آوریزه سیالیو کي هم د سویلي افریقا لوبډلمشري ورپه غاړه وه.

 د یو ورځنیو لوبو لړۍ مساوي سوه، خو د شل آوریزه سیالیو لړۍ بیا انګلستان وګټله.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ