ډوپلسيس بيرته سويلي افریقا ته ځي

د سویلي افریقا کریکټ ملي لوبغاړی فاف ډوپلسيس د پاکستان لیګ په پاتې لوبو کې نسي لوبېدلای،او نن شپه خپل هیواد ته ځي.

د یکشنبې په ورځ د کوټي ګلاډیاټورز او پيښور زلمیو لوبډلو ترمنځ لوبه کې ډوپلسیس او د پاکستاني محمدحسنین د ټکر له امله ډوپلسیس د میدان څخه ووتی او نور د لوبې د کولو جوګه نه وو.

دوی دواړو دا هڅه کوله چې د ډیويډمیلر د توپ مخه ونیسي خو ځانونه یې کنټرول نسوای کړای او د حسنین زنګون د ډوپلسیس پر سر ولګېدی.

تر څو چې ډاکتر راتلی ډوپلسیس څو دقیقې په لوبغالي کې وو خو د لوبډلې مشران وايي چې د لوبغالې څخه تر وتلو وروسته یې نوموړی روغتون ته انتقال کړ.

ډوپلیسي خپله هم پر ټویټر اکاونټ لیکلي وه« له ټولو هغو ملګرو مننه کوم، چې د تسلۍ پېغامونه یې راستولي دي، زه اوس له روغتون څخه هوټل ته رانتقال سوی یم، ما د ټکر له امله د حافظې ځېنې برخه له لاسه ورکړې وه، کېدای سي ښه سم او هیله ده چې ژر به بېرته لوبو ته ستون سم».

خو نوموړی جوړ نسو او نن شپه به عربي اماراتو څخه د سويلي افریقا پر لور حرکت کوي.

د کوټې لوبډلې رسل هم هغه مهال له لاسه ورکړ چې د محمد موسی په بونسر وویشتل سو او تر هغه وروسته یې بیا لوبه نده ترسره کړې.

دا لوبډله د پاکستان لیګ په شپږم پړاو کې د جدول په وروستي ځای کې ده.

فرید هوتک؛ د پاکستان پر وړاندې اعلان شوي نوملړ سره ۸۵ سلنه افغانان موافق دي

by سمیع الله درانی in سپورټ

  د کرکټ بورډ ویاند فرید هوتک په خپله فیسبوکپاڼه لیکلي، چې د پاکستان پر وړاندې درېیوو یو ورځنیو لوبو ته له اعلان شوې لوبډلې ۸۵ سلنه هېوادوال راضي دي او یاده لوبډله یې وړ ... نور ولولئ