چینای،حيدراباد ته په ماتي ورکولو سره بيا ترټولو مخکي سوه!

ليکنه: مدثر دعوت
د هندوستان پريمرليګ په ۴۱مه لوبه کي سنرايزر حيدر اباد د چينای سوپرکينګز ميلمنه وه.
د لوبي پچه چينای وګټله او حيدر اباد ته يې د توپوهني بلنه ورکړه.
حيدر اباد د ۳ لوبغاړو په سوځيدو په پوره ۲۰ اوورونو کي ۱۷۶ منډي هدف کښيښودی.

ډيويډ وارنر د تل په څير نيمه سليزه ووهله او په ۴۵ توپونو يې ۵۷ منډي وکړلې.
که څه هم بړسټو په صفر وسوځيد خو منيش پانډې د وارنر سره ښه ملګرتيا جوړه کړه د لوبي ترپايه ودريدی او په ۴۹ توپونو يې ۸۳ ناسوځيدلي منډي وکړلې.
همدارنګه ويجی شنکر په ۲۰ توپونو ۲۶ منډي وکړلې.
د چينای لپاره بيا هربجن سينګ ۲ او چاهار يوه وکيټه واخيسته.

د چينای د توپوهونکو لپاره د ۱۷۶ منډو هدف د تل په څير اسانه وو.
واټسن او ډوپلسيس پيلوونکي لوبغاړي وه.
که څه هم ډوپلسيس په يوه منډه وسوځيدی خو واټسن بيا په ۵۳ توپونو ۹۶ منډي وکړې.

د راينا په ۳۹ او د رايدو په ۲۱ منډو سره چينای وکولای سول چي په وروستي اوور کي د حيدر اباد هدف ته ځان ورسوي.
د حيدر اباد لپاره راشدخان،بونيشور کمار او سنديپ يوه يوه وکيټه واخيسته.

چينای سوپر کينګز په يوه منډه سنرايزر حيدر اباد ته ماته ورکړه.
واټسن په ۹۶ منډو سره د لوبي د غوره لوبغاړي جايزه وګټله.

چينای په ۱۱ لوبو کي د ۸ لوبو په ګټلو سره د جدول سرته ولاړه،او حيدر اباد بيا په ۱۰ لوبو کي د ۵ لوبو په ګټلو سره پنځم مقام لري.
نن ماښام په IPL کي بنګلور او پنجاب لوبه ده.




وروستي مطالب