مارچ 5, 2021

څه وکړو چې ورځ تر بلې مو ژوند ښه شي

لیکوال: جان مکسویل
ژباړه: حمیدالله حمیدي
که مو دا اونۍ په سم ډول نه وي تېره شوې، هڅه وکړئ داسې لارې چارې ولټوئ چې راتلونکې اونۍ مو په ښه ډول تېره شي، د بېلګې په ډول، د خوښې وړ جامې مو واغوندئ او یا مو هغه دوست ته یو مسيج ولیکئ چې ډېر وخت کېږي اړیکه مو ورسره نه ده نیولې، کېدای شي ستاسو په اند دا ډېر واړه کارونه وي، خو مهمه داده چې تاسو خپلو روا غوښتنو ته احترام ولرئ، کېدای شي همدا واړه کارونه مو د دې اونۍ د نېکمرغۍ لامل شي.
په هر ډول شرایطو کې د ځان ملګري اوسئ
خپل ځان مه رټئ؛ ځکه په دې کار سره مو یوازې خپل عزت نفس تخریبوئ او له منځه یې وړئ. د ځان د رټلو پر ځای د ځان لپاره نږدې ملګری و اوسئ، له خپله ځانه ننګه وکړئ او پر خپل ځان مهربانه و اوسئ.
ځان د پاملرنې وخت ځانګړی کړئ
لږ تر لږه د ورځې یوازې درې دقیقې وخت مو د ځان لپاره په پام کې ونیسئ؛ کتاب، فلم او یا همداسې یوه موضوع چې ستاسو په اند خوشالولای مو شي، ځان پرې خوشاله کړئ، ما خپله هم دغه تجربه د ډېر وخت لپاره کارولې ده، بې له شکه چې د پام وړ څه مې ترې ترلاسه کړي هم دي.
راتلونکې مو په خپل لاس جوړه کړئ
د مثبت بدلون لپاره هېڅکله هم ناوخته نه ده=ی؛ ډېر کله موږ د تېر په اړه فکر کوو، په داسې حال کې هغه څه چې له لاسه مو ورکړي، وخت پرې تېر شوی، بیا لاسته نه راځي. د دې پر ځای ښه ده چې د خپلو نوو موخو په اړه فکر وکړئ چې کومه موخه مو کولای شي ښه راتلونکې در په برخه کړي. په دې اړه فکر وکړئ چې پاتې عمر مو څه ډول تېر کړئ، کومې ستونزې مو په مخ کې دي او څنګه کولای شئ ترې د وتلو لاره پیدا کړئ او پرې بریالي شئ؟ د داسې څه په اړه فکر وکړئ چې څنګه کولای شم خپلې موخې ته یو قدم نور هم نږدې شم؟ یو قدم نن واخلئ او یو هم سبا.
کله چې پر دې پوه شوئ چې ولې پر خپل ځان مهربانه یۍ، نو مهرباني به مو دوه برابره کړئ، هره ورځ پر خپل ځان د مهربانۍ لپاره وخت ځانګړی کړئ؛ دغه چاره د دې سبب ګرځي چې پر خپل نفس او ځان باندې باور پیداکړئ او لا هڅاند شئ.

د زیمبابې پر وړاندې د افغانستان ماته او د خلګو غبرګونونه

لیکوال: محمد صابر حمیدي ، کندهار - برخه : سپورټ

لیکنه: محمدصابر حمیدي   د افغانستان کرکټ ملې لوبډلې د دوو ټیسټ سیالیو د لړۍ په لومړۍ لوبه کې د زیمبابې څخه په لسو ویکټو سخته ماته وخوړه.   د لومړۍ ټیسټ لوبې بشپړ حال ... نور ولولئ