ليکنه: سميع الله درانی
د پولارډ او براوو ترمنځ چې د ننداره کوونکو د سترې نندارې لوبه جوړه شوې وه، پولارډ پکې براوو ته ماته ورکړه او د ننداره کوونکو د نندارې کپ یا جام پولارډ هسک کړ.
دا لوبه په ټرېنېډاډ سیمه کې ترسره شوه، پچه پولارډ وګټله او لومړی یې د توپ وهنې پرېکړه وکړه.
د پولارډ لوبډلې په ۱۸ اعشاریه یو اوور کې د ټولو لوبغاړو په سوځېدو سره ۱۳۱ منډې وکړې.
ډېکسټر سوین څلور او سیرلز بیا دوه وېکټې واخېستې.
د براوو لوبډلې په ۱۹ اعشاریه ۱ اوور کې د ټولو لوبغاړو په سوځېدو سره ۸۴ منډې وکړې او لوبه ترې پولارډ په ۴۷ منډو وګټله.
جیمي نېشم او جګیسار درې، درې وېکټې واخېستې.
په دې لوبه کې د براوو لوبډلې پنځه لوبغاړي د پولارډ ټیم بالرانو له خوا کلین بولډ شول.
دا سیالي د ټرېنېډاډ سیمې د خپلواکۍ په پار جوړه شوې وه، چې ننداره کوونکو پکې په وړیا ډول لوبه ننداره کړه.
یادې لوبې ته د نندارتون یا ایکزېبېشن نوم ورکړل شوی و او لوبډلو ته لوبغاړي هم د ننداره کوونکو په خوښه ټاکل شوي وو.
نوموړې لوبه په داسې حال کې ترسره شوه، چې د چهارشنبې په ورځ د سپټمبر په ۴ مه نېټه د کارابین یا سي پي ایل سوداګریزې کرکټ سیالۍ په ویسټ انډیز کې پیلېږي.
بابراعظم یو بل ریکارډ هم په خپل نوم کړ
د پاکستان د کرکټ ملې لوبډلې او ددې هیواد د کرکټ په روان سوپرلیګ کې د کراچي کینګز لوبډلې لوبډلمشر او تکړه لوبغاړي بابراعظم په یاد لیګ کې یو بل ریکارډ هم په خپل نوم ... نور ولولئ
