Advertisements
سپورټ فوټبال

په کابل کي د ښځینوو ترمنځ د فوټبال لیګ پيل سو

ليکنه: صابر حميدي.

د مسئولینو په خبره پرون شنبه د افغانستان فوټبال فدارسیون په لوبغالي کي د ښځینه وو ترمنځ د فوټبال غوره لیګ پيل سو، چي د هیواد د ۴ ولایتونو څخه پکښي لوبډلو ګډون کړی.

د افغانستان فوټبال فدراسیون کي د ښځینه فوټبالرانو د کمېټې مسئولي ارزو رحیمي وویل، چي په دې سیالیو کي د کابل، هرات، بلخ او بامیان ولایتونو څخه ښځينه وو منتخبو لوبډلو ګډون کړی.

د رحیمي په خبره، چي د افغانستان فوټبال فدراسیون د ښځینه وو په برخه کي د لوبو جوړولو ته ژمن دئ او راتلونکي کي به یو بل ټورنمنټ هم کابل کي د ښځو ترمنځ په لاره واچول سي.

د دې سیالیو په لومړۍ لوبه کي پرون د بلخ منتخبه ښځينه لوبډله د کابل په وړاندي ولوبېده.

یاده لوبه ۲ ګولونه پر ۱ د کابل لوبډلي وګټله.

نن یکشنبه بیا بامیان او هرات ښځینه فوټبال لوبډلي یو د بل په وړاندي لوبیږي.

د یادولو وړ ده، چي د ښځینه وو ترمنځ د فوټبال دا لوبي ۷ ورځي دوام کوي.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.