سپورټ فوټبال

په چمېنزلیګ کي نن او سبا د ګروپ وروستۍ لوبي ترسره کیږي

Barcelona's Luis Suarez , right, vies for the ball with Inter Milan's Stefan de Vrij during a group F Champions League soccer match between F.C. Barcelona and Inter Milan at the Camp Nou stadium in Barcelona, Spain, Wednesday, Oct. 2, 2019. (AP Photo/Joan Monfort)

نن د اروپا د اتلانو فوټبال لیګ په سیالیو کي خورا جذابي لوبي ترسره کیږي، چي دا ئې د ګروپي پړاو وروستۍ لوبي دي او له نن او سبا وروسته به ۱۶ لوبډلي دوهم پړاو ته لاره پیداکړي.

نن سې شنبه د اروپا د اتلانو لیګ یا چمپینزلیګ فوټبال لیګ په سیالیو کي ۸ لوبي ترسره کیږي، چي په یادو لوبو کي ۱۶ لوبډلي یو د بل په وړاندي د اروپا په بیلابیلو هیوادونو کي سره لوبیږي.

په یادو سیالیو کي ناپولي د خنک کوربتوب، سلزبورګ د لیورپول کوربتوب، دورتمند د سلاویا پراګ کوربتوب، انټر میلان د بارسلونا کوربتوب، بینیفیاک د سنټ پیټرزبورګ کوربتوب، لیون د لیپزیک کوربتوب، اژاکس د والینسیا کوربتوب او چلسي بیا د لیل کوربتوب کوي.

ناپولي د خنک په وړاندي او سلزبورګ د لیورپول په وړاندي نن شپه ۱۰ بجې او ۲۵ دقیقي یو د بل په وړاندي ولوبیږي.

خو نوري ټولي لوبي بیا نن شپه ۱۲:۱۵ بجې پېلیږي.

د دې لیګ په نورو لوبو کي سبا چهارشنبه هم ۱۶ لوبډلي یو د بل په وړاندي لوبیږي.

په یادو لوبو کي بیا ریال ماډریډ د بلک برګ په وړاندي، ګالاتا سرای د پاریسټ ژرمېن په وړاندي، تاتنهام د بایرن مونیخ په وړاندي، کروینا زیویزډا د المپیاکاس په وړاندي، منچسټر سیټي د ډینامو زګریب په وړاندي، شاختار ډونټیسک د اتلانتا په وړاندي، اتلاتیک ماډریډ د لوک موټیو مسکو په وړاندي او بایرن لوارکوزن بیا د جیونټوس په وړاندي لوبیږي.

ډینامو زګریب د منچسټر سیټي او شاختار ډونټیسک بیا د اتلانتا په وړاندي سبا چهارشنبه ماخستن ۱۰ بجې ۲۵ دقیقې یو د بل په وړاندي لوبیږي، خو پاته شپږ لوبي بیا سبا ماخستن ۱۲:۱۵ بجې ترسره کیږي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.