مارچ 8, 2021

په هیواد کي د کرونا ناروغۍ له امله لومړی کس بلخ ولایت کي مړ شو!

Advertisements

د بلخ ولایت د عامي روغتیا ریاست د یاد خبر د تائید ترڅنګ وویل، چي د کرونا ویروس له امله مړ سوی سړی د بلخ ولایت د چمتال ولسوالۍ اوسېدونکی وو او تېره شپه ئې ساه ورکړې ده.
د بلخ د عامي روغتیا ئیس ډاکټر خلیل حکمتي له رسنیو سره په خبرو کي وویل، چي یاد شخص درې ورځي مخکي ټیسټ سوی وو، چي ډاکټرانو ورته د قرنطین توصیه کړې وه، خو د ډاکټرانو لارښوونو ته ئې هیڅ پام نه وو کړی.
د ښاغلي حکمتي په خبره، چي دغه شخص د ګردو او جګړ ناروغي هم درلوده.
دا په هیواد کي د کرونا ویروس لومړنی قرباني دئ، خو تر دې مخکي نن په هرات کي هم په دې ویروس د یوه شکمن کس د وژل کېدو راپورونه خپاره سول.
راپورنه وايي، چي هغه شخص بیا په کرونا ویروس شکمن پېژندل سوی وو، خو پایله ئې نه وو معلومه او د زړه ناروغي یې لرله.
په هیواد کي په دې ویروس د اخته کسانو شمېر نن یکشنبه ۳۴ ته پورته سو، چي تر ټولو ډېري پيښي ئې په هرات ولایت کي ثبت سوي دي، ځکه زیاتره اخته کسان له ایران هرات ته راغلي.
په دې ویروس د اخته کسانو شمېر ورځ تر بلي په هیواد کي ډېریږي او افغانان ئې په ډار کي اچولي.
نن د عامي روغتیا وزیر فیروز الدین فېروز له ټولو هیوادولو وغوښتل، چي د دې ویروس څخه د مخنیوي په موخه دي له خپلو کورنو نه راوزي.
کرونا ویروس تر ټولو ډېر ځاني تاوان په ایټالیا، ایران، او چین هیوادونو کي اړولی.
په دې ویروس د اخته کسانو شمېر په نړویواله سطحه تر لکهاوو اوړي او د وژل سوو شمېر ئې بیا په زرهاوو دئ.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




نادري: د امریکا نوي وړاندیزونه تر بحث لاندې دي

لیکوال: عاقله اسد - برخه : افغانستان

Advertisements افغان مذاکراتي پلاوی وایي د امریکا نوي وړاندیزونه تر بحث او څېړنو لاندې دي. د افغان حکومت د مذاکراتي پلاوي غړي نادر نادري تازه په خپلو څرګندونو کې دا تایید کړې چې خلیلزاد ورسره ... نور ولولئ