Advertisements
پوهنه مخکښان نړۍ

په ترکیه کي د اسلامي نړۍ تر ټولو لوی کتابتون پرانیستل شو!

د اسلامي هیوادونو تر ټولو لوی دا کتابتون پرون شنبه د فیبروري میاشتي په ۲۲مه نېټه د ترکیې هیواد په پلازمېنه انقره کي افتتاح کړل سو.

دا کتابتون د ترکیې د ولسمشر رجب طیب ادرغان له لوري جوړ سوی، چي د په اسلامي هیوادنو کي تر ټولو لوی کتابتوب بلل کیږي.

د ورکړل سوو معلوماتو له مخي، چي دا کتابتون د سلجوقیانو او عثمانیانو پر طریقه برابر جوړ سوی.

معلومات ښيي، چي په دې کتابتون کي پر یوه وخت ۵۰۰۰ کسان کولای سي مطالعه وکړي.

دا کتابتون ۲۴ ساعته خدمات لري او هر وخت هر څوک کولای سي پکښي مطالعه وکړي.

د دې ترڅنګ په دې کتابتون کي ۴ میلیونه چاپ سوي کتابونه او له ۱۲۰ میلیونه څخه ډېر بریښنايي فایلونه لري، چي دا په نړۍ کي یو له پرمختللو کتابتونو څخه شمېرل کیږي.

د یادولو وړ ده، چي د دې کتابتون موقعیت د ترکیې هیواد د ولسمشرۍ ترڅنګ دئ.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ