Advertisements
سپورټ کورنی کرکټ

پر شهزاد بندیز لیري شو، خو ایا هغه ته په ملي لوبډله کې اړتیا شته؟

د چهارشنبې په ورځ کرکیټ بورډ د افغانستان د ملي لوبډلي د وخت تکړه ویکیټ ساتونکي او تیز توپ اچونکي شهزاد محمدي باندي د لګول سوي بندیز د لیري کېدو په اړه خبر ورکړ.

کرکیټ بورډ پر شهزاد محمدي باندي د تېر ۲۰۱۹م کال په اګسټ میاشت کي د  اداري اصولو څخه د سرغړوني له امله یو کلن بندیز لګولی وو، چي اوس کرکیټ بورډ ئې د بندیز د پای ته رسېدو په اړه خبر ورکړ.

Pic by Chris Whiteoak/whiteoakpictures
Cricket: Afghanistan v Zimbabwe. 2nd T20 International. Sharjah cricket stadium, Sharjah, UAE. Afghanistan’s Mohammed Shahzad makes 50
© Picture Copyright >> Christopher Whiteoak >> 0558117530

هغه څه موده مخکي د ادارې د عمومي مشر او ډسپلین کمېټې له لوري پر نوموړي د پاتې مودې بندیز د بخښنې غوښتنه کړې وه، چې په پایله کې د ادارې د ډسپلین کمېټې د پرېکړې او عمومي مشر ښاغلي فرهان یوسفزي له تایید وروسته پر نوموړي د بندیز پاتې موده وبخښل سوه.

که څه هم پر ملي لوبغاړي محمد شهزاد د پاتې مودې لپاره د لوبې نه کولو بندیز لرې کړل شو، خو د هغه د قرارداد د بندیز موده به تر خپلې ټاکلې مودې پورې وي چې د یادې مودې له پای ته رسېدلو وروسته به نوموړی له ادارې خپل قرارداد ترلاسه کړي.

محمد شهزاد د کرکټ بورډ مشرتابه له اجازې پرته د سفرونو او همدارنګه د یوه بل هېواد په کرکټ اکاډمۍ کې د تمریناتو له امله له بندیز سره مخ شوی و، ځکه هر لوبغاړی چې له هېواده بهر د سفر تابیا لري نو باید له ادارې اجازه ترلاسه کړي.

 نوموړی د نړیوال جام لوبو پر مهال هم د زنګانه د ټپ له امله له لوبو راګرځول شوی و.

خو اوس د شهزاد محمدي پر ځای په ملي لوبډله کي ځوان او خورا ښه توپوهونکي او ویکیټ ساتونکي رحمن الله ګربز ته ځای ورکړل سوی.

رحمن الله ګربز د افغان لوبډلي په وروستیو شل آوریزه لوبو کي خورا ښه وځلېد او د افغانستان لپاره ئې خورا په ښه ډول توپوهنه او ویکیټ ساتنه ترسره کړه.

هغه وخت پر ټولنیزو رسنیو هم رحمن الله ګربز ډېر وستایل شو او ټولو هغه د افغانستان راتلونکی او د شهزاد محمدي ښه ځای ناستی وباله.

د راتلونکي مارچ میاشتي په ۶مه، ۸مه او ۱۰مه نېټه افغان او ایرلینډ کرکیټ ملي لوبډلي درې شل آوریزه لوبي ترسره کوي.

د ایرلینډ په وړاندي اعلان سوې افغان لوبډله کي ځوان لوبغاړی رحمن الله ګربز هم شتون لري.

خو د شهزاد محمدي تر بندیز او قراراد لاسلیک کېدو وروسته ممکن هغه ته یوازي په یو ورځنیو او ټیسټ سیالیو کي د لوبېدو چانس برابر سي، خو په شل آوریزه لوبو کي د لوبېدو چانس ئې بیخي لږ دئ، ځکه رحمن الله ګربز اوس خورا په ښه ډول لوبیږي.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ