پاکستان کې د شهزاد لوبیدو غبرګونونه را پارولي دي

د افغانستان د کرکټ ملي لوبډلې د توپ وهنې بریدګر پیلیز لوبغاړی شهزاد محمدي په ټولنیزه شبکو کې د توندو غبرګونونو سره مخ شوی دی.
ویل کیږي شهزاد محمدي، چې د کرکټ نړیوال جام غوراوي پړاو سیالیو څخه هېواد ته راستون شوی، بیرته پاکستان ته رسیدلی دی او د یو ځایي کلب لوبډلې سره لوبیدلی، چې په ټولنیزه شبکو کې انځور او ویډیو هم خپره شوې ده.
دې کار په کور دننه او بهر کې د کرکټ مینه والو او مبصرینوو توند غبرګونونه هم را پارولي دي او په افغان کرکټ بورډ یې د بې پروايي تور پورې کړی دی، چې ولې خپلو لوبغاړو ته په دغه ډول سیالیو کې اجازه ورکوي.

شهزاد محمدي په کرکټ کې د منع شویو درملو د استعمال له کبله د دوه کلن بندیز څخه وړاندې د کرکټ نړیوالې شورا په نړیواله درجه بندۍ کې ۹ مقام درلود، چې د بندیز په موده کې یې دغه مقام هم بایللی و، خو بیرته لوبډلې ته په راستنیدو او وروستیو ښو لوبو په ترسره کولو سره یې په ۲۰ اوریزه سیالیو کې ۹ ځای خپل کړی دی.
په ټولنیزه شبکو کې د کرکټ افغان مینه وال وايي، نه باید دغه ډول لوبغاړی په ځايي کلب لوبو کې ولوبیږي، ځکه چې د هغه امنیت پکې خوندي نه وي او ورته پکې زیان رسیدلی شي.

افغان کرکټ بورډ د لوبغاړو لپاره (NOC) لري ؟
د هر هېواد کرکټ بورډ د قرار داد شویو لوبغاړو لپاره ( NOC= No Objection Certificate ) لري، دا په دې معنی چې دغه ډول لوبغاړو ته به په هر ډول سیالۍ کې اجازه نه وي او د کرکټ بورد د رسمي اجازې سره به په یو لیګ یا سیالیو کې لوبیږي.
خو زات شمیر د کرکټ مبصرین او پوهان د کرکټ بورډ په اوسنۍ رهبرۍ د غیرې مسلکیتوب تور پورې کوي او وايي، چې شاید (NOC) سره بلدتیا هم ونلري او که یې لري، نو ولې ترې لوبغاړي خپلسري کوي ؟

دا لمړی ځل نه دی، چې شهزاد محمدي یوازې په دغه ډول سیالیو کې لوبیدلی او د هېواد والو د توندو غبرګونونو سره مخ شوی وي؛ بلکې له دې وړاندې هم د ملي لوبډلې ډیری لوبغاړي په پاکستان کې د کلب لوبډلو سره لوبیږي، خو مینه وال یې دغه کار ځکه غندي، چې یو خو له هېواده بهر لوبیږي او بل دا چې د داسې ډول نړیوال لوبغاړو لپاره په کلب لیول کې لوبیدل ښه خبره نه وي.
خپله شهزاد محمدي او یا د افغانستان کرکټ بورډ تر اوسه په دې اړه تبصره نه ده کړې.




وروستي مطالب

د طالبانو ضد ولسي پاڅون؛ له ۱۲ ډیرو ولایتونو کې خلک پاڅیدلي، خو څه باید وشي؟

by بشر درویش in افغانستان

وروسته له هغه چې امریکا او طالبانو موافقه وکړه او اوس سږکال د امریکایي ځواکونو چټک وتل پيل شول، ورسره همهاله افغانستان کې خورا توده جګړه پيل شوه. دا اوس هم پرته له څو ولایتونو ... نور ولولئ