هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
ژوند او ژواک

پاکستان له داعش څخه په ویره کې دی

د متحده ایالاتو لپاره د پاکستان سفیر خپل هیواد ته د داعش د خطر په اړه اندیښنه ښکاره کړې.

نوموړي په واشنکټن کې وویل، چې که څه هم په پاکستان کې د داعش فعال حضور نشته، ولي په افغانستان کې د داعش موجودیت د پاکستان لپاره جدي ګواښ دی.

ښاغلي جیلاني وویل، چې ددوې مبارزه د طالب او القاعده په وړاندې هم په جدي ډول په مخ روانه ده.

نوموړي وویل، چې د ترویریزم په وړاندې د متحده ایالاتو او پاکستان ګډه مبارزه به تروریستان له پښو وغورځوي.

د متحده ایالاتو لپاره د پاکستان سفیر دا څرګندونې په داسې مهال کوي، چې افغان دولت او د نړۍ یو شمیر نورو هیوادونو پاکستان د تروریزم په ملاتړ تورن کړی.

د افغان حکومت چارواکي وايي، چې پاکستان د افغان دولت ضد وسله والو او مخالفینو ته وسلې او مالي مرستې برابروي.

په همدې تړاو پرون په زرګونو کسانو کابل کې د پاکستان سفارت مخې ته اعتراض وکړ او دا هیواد یې د افغانستان په وروستیو بریدونو کې په لاس لرلو ملامته کړ.

اعتراض کونکو په کابل کې د پاکستان د سفارت د تړلو غوښتنه کوله.

تر دې اعتراض وروسته د پاکستان د بهرنیو چارو د وزارت ویاند نفیس زکریا هم یو ځل بیا تینګار وکړ چې پاکستان د افغانستان سولې ته ژمن دی.

دا هغه خبره ده چې پاکستان په تیرو شلو کلونو کې بیا بیا تکرار کړې خو د ګڼو افغانانو په باور یو ټکی باور او عمل یې هم پرې نه دی کړی.

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */