سپورټ

پاکستان د ویسټ انډیز لوبډله په ورتګ راضي کړه

یاران اپ په ګوګل پلی سټور کې یاران په ګوګل پلی سټور کې

یاران اپ په ایفون اپ سټور کې  یاران په ایفون اپ سټور کې 

لیکنه: ابوبکر علیزی

د پاکستان کرکټ بورډ وایي؛ ویسټنډیز کرکټ لوبډلې سره به درې شل اوریزه سیالۍ په پاکستان کې تر سره کړي.

د پاکستاني بورډ مسؤلین وایي چې د ویسټ انډیز لوبډله به د درې شل اوریزه سیالیو د ترسره کولو لپاره پاکستان ته راشي او هلته به د کراچۍ په نړیوال سټیډیوم د پاکستان د کرکټ لوبډلې سره سیالۍ تر سره کړي.

د پاکستان د بورډ مشر نجم سټي په خپل ټویټر دغه زیری د پاکستان خلکو ته ورکړی او ویلي یې دي چې ویسټ انډیز یې راضي کړی، تر څو پاکستان ته راشي او د دغه هیواد په تړاو د خلکو ترهېدلی نظر بدل کړي.

نجم سیټي وایې د ویسټ انډیزۍ لوبډلې سره د پاکستان لوبې به د میلادي اپریل میاشتي په لومړۍ، دویمه او څلورمه نېټه تر سره شي.

دا په داسي مهال دي چې پاکستانی بورډ په دې بوخت دی چې څنګه د پاکستان د سوپر لیګ لپاره لوبغاړي راضي کړي، تر څو د پای لوبې لپاره پاکستان ته ولاړ شي او په کراچۍ کې د پي ایس ایل فاینل ولوبوي.
خو پوښتنه دا ده چې ویسټ انډیز لوبډلې ولي پاکستان ته د تګ لپاره زړه ښه کړی، په داسي مهال چې تر دې وړاندې هیڅ کومې بلې نړیوالې لوبډلې پاکستان ته د تګ زړه نه ښه کوي.

تر دې وړاندې د پاکستان کرکټ بورډ افغان کرکټ بورډ هم دې ته راضي کړی و، تر څو په لاهور کې د پاکستان لوبډلې سره سیالۍ وکړي چې د کرکټ د مینوالو د توند غبرګون او په کابل کې له درنې چاودنې وروسته د افغان کرکټ بورډ له خپلې ژمنې هوکړې تیر او پاکستان ته د سیالیو لپاره ولاړ نشول.

له فیسبوک تبصرې

تبصرې

د لیکوال/ لیکوالې په اړه

ابوبکر عليزی