اپریل 11, 2021

ټرمپ او د جرمني لومړۍ وزیره انګیلا میرکل ولې وران شول؟

Advertisements

ډونالډ ټرمپ؛ د امریکا او حتا ټولې نړۍ بې ساری جنجالي سیاستوال.
ټرمپ نه په امریکا او نه په نړۍ کې سیاسي او مطرح خلک له ځانه خوښ وساتل.
دا ځل یې د المان له صدراعظمې انګیلا میرکل سره په لانجو نړیوالې رسنۍ مصروفې دي.
جنجال څنګه پیل شو؟
د امریکا ولسمشر ډونالډ ټرمپ تېره سې شنبه د ملګرو ملتونو په عمومي غونډه کې د وینا پرمهال د نړیوالتوب نظریه محکومه او د ملت پالنې او وطن پالنې پر ښیګڼو ټینګار وکړ.
د میرکل غبرګون
د المان لومړۍ وزیرې انګیلا میرکل د ټرمپ دې خبرو په غوسه کړې.
هغې دا څرګندونې د نړۍ د څو قطبي کیدو؛ په ځانګړې توګه د ملګرو ملتونو سازمان د تخریب هڅه ګڼلې ده.
میرکل په یوه خبري ناسته کې ویلي، چې د ملګرو ملتونو نړیوال سازمان له دویمې نړیوالې جګړې څخه وروسته د نړیوالو ویجاړیو د رغونې او شړیدلي ثبات د سمولو لپاره ډېر کار کړی.
مېرمن میرکل باور لري، چې ټرمپ د ملګرو ملتونو تخریب کوي خو له دغه نړیوال بنسټ څخه د غوره بل بنسټ کومه طرحه ورسره نشته.
د المانۍ صدراعظمې په نظر، ټرمپ پر نړۍ د منفردې واکمنۍ نه پوره کیدونکي خوبونه ویني، چې دا تېروتنه ده.
د المان صدراعظمه ټینګار کوي، چې د ملګرو ملتونو تر څنګ اروپایي ټولنه هم د نړیوال ثبات د تامین لپاره په سیمه ییزه کچه پیاوړې او موثرې هڅې کولای شي.
د غوسې مشخص دلیل
د المانۍ صدراعظمې د غوسې مشخص دلیل ممکن همدا وي، چې ولسمشرټرمپ یې په همدې لنډ تېروخت کې پر هېواد توهینونکي تورونه ولګول.
ټرمپ په یوه وینا کې المان د روسیې تابع او تر سیوري لاندې وباله.
د ټرمپ په خبره المان په نړیوالو مسایلو کې مستقل دریځ نه لري؛ بلکې د روسیې په اشاره مخته ځي.
شړیدونکې اړیکې
د ټرمپ له واکمنیدو سره، د امریکا او یو شمېر مهمو نړیوالو متحدینو اړیکې یې له یو بل سره شړیدونکي ښکاري.
هغه له فرانسې، المان، برتانیې، ترکیې او ګڼو هېوادونو سره له دې کبله چې د پخوانیو حکومتونو په شان تعامل نه کوي، دوه اړخیزې اړیکې ترینګلي کړي.
د ایران د اټومي پروګرام په موضوع کې هم ټرمپ د خپلو متحدینو له نظرکې ساتلو پرته په یوازې ځان د ایران خلاف سخت اقتصادي بندیزونه ولګول.
شنونکي فکر کوي، چې د ټرمپ د دا ډول یو اړخیزو او سخت دریځو سیاستونو دوام به په نړیواله کچه امریکا متضرره کړي.

د ګوار قوم غونډه؛ خوښ یوو چې الکترونیکي تذکرو کې مو قوم ثبت شو

لیکوال: بشر درویش - برخه : افغانستان

Advertisements ګوار قوم د الکترونیکي پېژنپاڼو په ډیټابس کې د خپل نوم ثبتونې په خوښۍ او ملاتړ غونډه وکړه. دا غونډه د کونړ ولایت سرحدونو او قبايلو چارو ریاست په تالار کې دغه جوړه شوې ... نور ولولئ