Advertisements
سپورټ نړیوال کرکټ

ویسټ انډیز په لومړۍ یو ورځنۍ لوبه کي هند مات کړ

د ویسټ انډیز او هندوستان کرکیت ملي لوبډلو ترمنځ  د هند په کوربتوب د درو یو ورځنیو لوبو د لړۍ څخه ئې پرون یکشنبه لومړۍ یو ورځنۍ لوبه ترسره سوه، چي ویسټ انډیز په ۸ ویکیټو هندوستان ته ماته ورکړه.

د دې لوبي پچه یا ټاس ویسټ انډیز وګاټه او هند ته ئې د توپوهني بلنه ورکړه.

هند په ټاکلو ۵۰ آورونو کي د ۸ لوبغاړو په سوځېدو سره ویسټ انډيز ته د ۲۸۹ منډو هدف وټاکه.

د هند لپاره پنټ ۷۱، آیر۷۰، جادوا ۴۰، روهیت شرما ۳۶ او جدیجا بیا ۲۱ منډي جوړي کړې.

د هند ۲ لوبغاړي کوټریل، ۲ لوبغاړي کیمو پاول، ۲ لوبغاړي الزامي جیزپ او ۱ لوبغاړی بیا کیرون پولارډ وسوځاوه.

کله چي د ویسټ انډیز توپوهونکي د هدف پوره کولو لپاره میدان ته کښته سول د ۲ لوبغاړو په سوځېدو سره ئې د هند ورکړل سوی هدف د لوبي په ۴۷،۵ آورونو کي پوره کړ او په دې سره ئې هند ته په ۸ ویکیټو ماته ورکړه.

د ویسټ انډیز لپاره هیتمایر ۱۳۹، شې هوپ ۱۰۲ او پوران بیا ۲۹ منډي جوړي کړې.

ډیپک چاهار او محمد شامي د ویسټ انډیز یو ـ یو لوبغاړی وسوځاوه.

د ویسټ انډيز او هندوستان کرکیټ ملي لوبډلو ترمنځ د ۳ یو ورځنیو لوبو دوهمه هغه ئې راتلونکې چهارشنبه او درېیمه یو ورځنۍ لوبه ئې بیا راتلونکې یکشنبه ترسره کیږي.

دې دوو هیوادونو تر دې مخکي د ۳ شل آوریزه سیالیو لړۍ هم ترسره کړه، چي یاده لړۍ ۲ پر ۱ هند وګټله.

په یاده لړۍ کي لومړۍ او درېیمه هند وګټلې، خو دوهمه لوبه بیا ویسټ انډيز وګټله.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.