سپورټ کرکټ

ویسټ انډیز په دوهمه شل آوریزه لوبه کي هند ته ماته ورکړه

د هندوستان او ویسټ انډیز کرکیټ ملي لوبډلو ترمنځ د ۳ شل آوریزه سیالیو د لړۍ څخه ئې دوهمه لوبه پرون یکشنبه ترسره سوه، چي ویسټ انډیز په ۸ ویکیټو هند ته ماته ورکړه.


د یادي لوبي پچه ویسټ انډیز وګاټه او هند ته ئې د توپوهني بلنه ورکړه.

د هدوستان کرکیټ ملي لوبډلي په ټاکلو شل آورونو کي د ۷ لوبغاړو په سوځېدو سره ویسټ انډیز ته د ۱۷۱ منډو هدف وټاکه.

په یاده لوبه کي د هند لپاره شیوام ډوبي ۵۴ او ریشپ پنټ بیا ۳۳ منډي جوړي کړې.


ویسټ انډیز ته بیا کیسریک ویلیمس او هایډن والش دوه_ دوه لوبغاړي وسوځول.

کله چي د ویسټ انډیز لوبغاړي د هدف پوره کولو لپاره میدان ته کښته سول ټاکلی هدف ئې د لوبي په ۱۸،۳ آورونو کي د ۲ لوبغاړو په سوځېدو سره پوره کړ او په دې سره ئې په ۸ ویکیټو هندوستان ته ماته ورکړه.

د ویسټ انډیز لپاره لیندي سیمونز ۶۷، ایون لیوز ۴۰، هیتمایر ۲۳ او پوران بیا ۳۸ منډي جوړي کړې.


د ویسټ انډیز یو لوبغاړی سندر او بل لوبغاړی بیا جدیجا وسوځاوه.

د هندوستان او ویسټ انډیز کرکیټ ملي لوبډلو ترمنځ اوس سریز یو ـ یو مساوي خو د سریز پاینل او وروستۍ لوبه ئې بیا راتلونکې چهارشنبه ترسره کیږی.

د یادو درو شل آوریزه سیالیو وروسته د هند او ویسټ انډیز کرکیټ ملي لوبډلو ترمنځ درې یو ورځنۍ لوبي هم د هند په کورتبوب ترسره کیږي.

د یادي لړۍ لومړۍ یو ورځنۍ لوبه د رواني ډیسمبر میاشتي په ۱۵مه، دوهمه په ۱۸مه او درېیمه یو ورځنۍ لوبه بیا د رواني ډيسمبر میاشتي په ۲۲مه نېټه ترسره کیږي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.