ویسټ انډيز ـ ایرلینډ ته په لومړۍ لوبه کي ماته ورکړه

د ویسټ انډيز او ایرلینډ کرکیټ ملي لوبډلو ترمنځ د ویسټ انډيز په کوربتوب د درو یو ورځنیو لوبو د لړۍ څځه ئې پرون سې شنبه لومړۍ یو ورځنۍ لوبه ترسره سوه، چي ویسټ انډيز په ۵ ویکیټو ایرلینډ ته ماته ورکړه.
په یاده لوبه کي لومړی ایرلینډ توپوهنه وکړه، ایرلینډ د لوبي په ۴۶،۱ آورونو کي د ټولو لوبغاړو په سوځېدو سره ویسټ انډيز ته د ۱۸۱ منډو هدف وټاکی.
د ایرلینډ لپاره ټوکیر ۳۱، آدایر ۲۹، ډیلاني ۱۹ او بلبایم بیا ۱۶ منډي جوړي کړې.

د ویسټ انډیز لپاره بیا جوسیپ ۴، کوټریل ۲، هیډین واش ۲، خو کیمو پاول او روشټن چېس د ایرلینډ یو ـ یو لوبغاړی وسوځاوه.

کله چي د ويسټ انډيز لوبغاړي د توپوهني لپاره میدان ته کښته سول د ایرلینډ له لوري ورکړل سوی هدف ئې د لوبي په ۳۳،۲ آورونو کي د ۵ لوبغاړو په سوځېدو سره پوره کړ.
د ویسټ انډيز لپاره ایون لیویز ۹۹ ناسوځېدلي، کینګ ۲۰، چیس ۱۹، پوران ۱۷، شي هوپ ۱۳ او هیتمایر بیا ۸ منډي جوړي کړې.

د ایرلینډ لپاره بیا سیمي سینګ ۲، خو مک براین، مک کرټي او رینکین بیا یوه ـ یو لوبغاړی وسوځاوه.

ویسټ انډیز او ایرلینډ کرکیټ ملي لوبډلي د درو یو ورځنیو لوبو د لړۍ دوهمه لوبه سبا د پنجشنبې په ورځ ماښام ۹ بجې ترسره کوي، خو درېیمه یو ورځنۍ لوبه ئې بیا د راتلونکي یکشنبې په ورځ ده.

له دغو لارو چارو ګټه واخلئ او مه پرېږدئ چې مقابل لوری درته دروغ ووايي!

لیکوال: عایشه حیدري ، کابل - برخه : ځوانان او زده کړې

څېړونکي وايي چې شاوخوا ۶۰ سلنه خلک کابو لس دقیقې هم له دروغ ویلو پرته نه شي تېرولای. نو د دغو شمېرو له مخې کولای شو ووايو چې زموږ د شاوخوا خلک د ورځې په ... نور ولولئ