د ویتنام هیواد د فوټبال لومړی درجه لیګ له زیاتي مودې وروسته یو ځلي بیا پيل شو، چي له دې سره سم لوبغالي ته زرګونه مینوال ورغلي وه.
د راپورونو له مخي د کرونا ویروس له خپرېدو او پراختیا سره سم د نورو لیګونو ترڅنګ د ویتنام هیواد د فوټبال لومړی درجه لیګ هم وځنډېد.
د ویتنام حکومت د چین له ګاونډیتوب سره ـ سره د کرونا ویروس په وړاندي دومره ښه مبارزه وکړه، چي په کرونا د اخته کسانو شمېر یې تر ۱۰۰۰ وانه وښت.
په همدې موخه د دې هیواد د فوټبال لیګ بیرته پيل شو او په زرګونه مینوال د روغتیا سازمان له سپارښتونو پرته څنګ په څنګ په لوبغالي کي کښېناستل او لوبه یې له نژدې وکتله.
د ویتنام هیواد چارواکي وايي، چي د یاد لیګ د بیا پیلېدو په لومړۍ لوبه کي ۳۰ زره مینوالو د واټن ساتلو پرته په لوبغالو کي خپلي لوبډلي هڅولې.
تر دې مخکي د مجارستان هیواد د فوټبال په حذفي ټورنمنټ کي هم په زرګونه مینوال لوبغالي ته ورغلي وه او هیڅ واټن یې نه وو مراعت کړی.
د نړۍ دغو ۱۵ هېوادونو ته تګ ازاد، خو بېرته راتګ منع دی!
که څه هم د يوه کال راهيسي د کورونایې شرایطو لپاره د نړۍ ډېرو هېوادونو ته تګ راتګ منع شوی دی او خلک نه شي کولای چې په اسانۍ سره له يوه هېواد نه بل ... نور ولولئ
لومړي کس و اوسه چې پر دې لیکنه نظر لیکي