ولسمشر غني: امریکا دې په دې سختو شرایطو کې د افغانستان تر څنګ ودریږي

ولسمشر غني وايي تمه لري چې د بایډن په راتګ سره د افغانستان او امریکا ترمنځ د اړیکو نوی فصل پيل شي.
ولسمشر غني بایډن ته د مبارکۍ په یوه ټوېټ پیغام کې ویلي چې دا د امریکا لپاره تاریخي ورځ ده او بایډن ته د بریا هیله کوي.


هغه زیاته کړې چې افغانستان له کلونو راهیسې په جګړو کې دی، ډېر وخت د امریکا تر څنګ درېدلی او اوس د امریکا د نوي حکومت له مشرتابه دا تمه کېږي چې په دې سختو شرایطو کې د افغانستان تر څنګ ودرېږي او دلته د روانې جګړې د پای ته رسولو لپاره کار وکړي.
ولسمشر غني همدا راز ویلي چې د بایډن په راتګ سره به د افغانستان او امریکا ترمنځ د اړیکو نوی فصل پیل شي او دا اړیکې به لا پراخې او پیاوړې شي.
په ورته مهال کې ولسمشر محمد اشرف غني په کابل کې د امریکا له شارژدافیر راس وېلسن او په افغانستان کې د ناټو ځواکونو له عمومي قومندان سکاټ مېلر سره وکتل.
ارګ چهارشنبه ناوخته د یوې خبرپاڼې په خپرولو سره ویلي، دغه لیدنه نن مازدیګر په ګلخانې ماڼۍ کې تر سره شوه.
سرچینه زیاتوي په دې ناسته کې دواړو لوریو د افغان سولې پروسې، جینیوا کنفرانس د ژمنو او د امریکا د نوي حکومت سره چې سبا به رسماً خپل کار پیل کړي د افغانستان د اړیکو په اړه هر اړخیز بحث وشو.
د خبرپاڼې د معلوماتو له مخې، په دې لیدنه کې جنرال سکاټ مېلر، دوحې ته د خپل وروستي سفر جزیات له ولسمشر غني سره شریک کړل.
دا ناسته په داسې مهال شوې چې د متحده ایالاتو نوي دفاع وزیر په دوحه کې د امریکا او طالبانو تر منځ د شوې هوکړې د بیا ارزولو خبر ورکړی دی.
بل خوا د امریکا نوی ټاکل شوی ولسمشر جوبایډن چې تېر ماښام یې د متحده ایالاتو د ولسمشر په توګه لوړه ترسره کړه، دا چې دی به د طالبانو له تړون سره په کوم نظر وي د بهرنیو چارو نوي وزیر یې په اړه څرګندونې کړې دي.
د امریکا د ټاکلي ولسمشر جوبایډن له خوا د بهرنیو چارو وزارت لپاره ټاکل شوی انټوني بلېنکن وایي، له طالبانو سره به د امریکا تړون وارزوي.
د امریکا د نوي حکومت د بهرنیو چارو وزیر بلېنکن تېره ورځ د خپل واک د تایید غونډه کې وویل، موږ دغه جګړه چې ابدي جګړه بلل کېږي پای ته رسول غواړو، ځواکونه ستنول غواړو، غواړو هلته تر یوه برید د هر ډول ترهګرۍ د ستنېدو سره د چلن وړتیا وساتو چې له امله یې ورغلي وو.
نوموړي دغه راز د دوحې د تړون په اړه وویل، باید کره وارزوو چې ریښتیا د څه په هکله خبرې شوې دي تراوسه لا د دې تړون پر جزیاتو خبر نه یو.
د امریکا ولسمشر ډونالډ ټرمپ چې تېره ورځ یې واک پای ته ورسیده د ۲۰۲۰ کال فبرورۍ پر ۲۹ مه نېټه یې له طالبانو سره د سولې تړون لاسلیک کړ او د خپل هېواد تر ټولو د اوږدې جګړې د پای ته رسولو لپاره یې هڅې پیل کړي.
د امریکا نوی ولسمشر جوبایډن چې پخوا له له افغانستان د سرتېرو د ایستلو ملاتړی و خو مرستیالان یې بیا وایي، د تاوتریخوالي د کمولو لپاره باید یو شمېر سرتېرې په افغانستان کې پاتې شي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




د نوي تړون په اساس نیمار ته د ورځې یو لک ډالر ورکول کیږي

لیکوال: محمد صابر حمیدي ، کندهار - برخه : سپورټ

د برازیل هیواد د فوټبال ملې لوبډلې او د فرانسوي کلب پاریسن جرمېن تکړه او نامتو بریدګر لوبغاړي نیمار د پاریسن جرمېن لوبډلې سره تېره شنبه تر ۲۰۲۵م کال پوري تړون وکړ او اوس به ... نور ولولئ