وطن لوبډلي د سولي او خپلواکۍ په نوم د کرکټ سېالیو اتلولي خپله کړه.

لیکنه: عبدالله عادل
د کرکټ یادي لس اوریزه سېالۍ د کندهار پیوند مدني ټولني لخوا د ۷۲ کرکټ لوبډلو تر منځ پیل سوي وې چي دوې میاشتي یې دوام وکړ.
د سېالیو پایلوبي ته وطن او اتحاد لوبډلو لار موندلې وه چي تېره ورځ یې پایلوبه د وطن لوبډلي په بریا پای ته ورسېده.
د پایلوبي ټاس د وطن لوبډلي وګټی او خپله یې د توپ وهني پرېکړه وکړه , چي په ټاکلو لس اورونو کي یې د ۳ لوبغاړو په سوځېدو سره اتحاد لوبډلي ته د ۱۶۶ منډو هدف وټاکی .
په دوهمه پاړۍ کي اتحاد لوبډلي د ټولو لوبغاړو په سوځېدو سره یوازي ۹۲ منډي جوړي کړې او لوبه یې وطن لوبډلي ته د ۷۳ منډو په توپیر سره وبایلل .
د لوبي د غوره لوبغاړي جایزه د وطن لوبډلي پیلیز لوبغاړي صدیق الله ته ورکړل سوه چي په ۲۳ توپونو یې ۶۸ چټکي منډي جوړي کړې.
د ټولو لوبو د غوره لوبغاړي جایزه د ښاروالۍ لوبډلي الراونډر لوبغاړي خوشحال (رسولي) ته ورکړل سوه چي په یاد ټورنمینټ کي یې د ۱۶۲ منډو جوړولو تر څنګ ۱۲ لوبغاړي هم سوځولي وه.
د ټورنمینټ غوره توپ وهونکی هم د ښاروالۍ لوبډلي لوبغاړی صفت الله وټاکل سو چي ۲۱۷ منډي یې جوړي کړي وې.
د یاد سیالیو څخه هدف د ځوانانو تر منځ یووالی او کرکټ ته وده ورکول ښودل سوي.




وروستي مطالب

د طالبانو ضد ولسي پاڅون؛ له ۱۲ ډیرو ولایتونو کې خلک پاڅیدلي، خو څه باید وشي؟

by بشر درویش in افغانستان

وروسته له هغه چې امریکا او طالبانو موافقه وکړه او اوس سږکال د امریکایي ځواکونو چټک وتل پيل شول، ورسره همهاله افغانستان کې خورا توده جګړه پيل شوه. دا اوس هم پرته له څو ولایتونو ... نور ولولئ