هند ـ نیوزیلینډ ته په ټیسټ لوبه کي د ۹ منډو هدف ټاکلی وو!

هند د نیوزیلینډ څخه په لومړۍ ټیسټ لوبه کي سخته ماته وخوړه!
د هندوستان او نیوزیلینډ کرکیټ ملي لوبډلو ترمنځ د دوو ټیسټ سیالیو د لړۍ په لومړۍ لوبه کي کوربه نیوزیلینډ په ۱۰ ویکیټو هند ته ماته ورکړه.

د یادي ټیسټ لوبي پیل هند لومړی په توپوهنه وکړه.
هند لومړۍ پاڼۍ کي د ټولو لوبغاړو په سوځېدو سره ۱۶۵ منډي جوړي کړې.

نیوزیلینډ بیا په لومړۍ پاڼۍ کي د ټولو لوبغاړو په سوځېدو سره ۳۴۸ منډي وکړې.

هند په خپله دوهمه پاڼۍ کي دا ځلي ۱۹۱ منډي د ټولو لوبغاړو په سوځېدو سره ترسره کړې او نیوزیلینډ ته ئې یوازي د ۹ منډو هدف وټاکه.
نیوزیلینډ هم یاد هدف د هیڅ لوبغاړي په نه سوځېدو سره پوره کړ او په ۱۰ ویکیټو ئې هند ته ماته ورکړه.

د یادي لوبي غوره لوبغاړی د نیوزیلینډ لوبډلي تېز توپ اچونکی تیم سوتي وټاکل سو. هغه په دواړه پاڼیو کي د هند ۹ لوبغاړي وسوځول.

ټاکل سوې دا دوه هیوادونه د لړۍ وروستۍ او دوهمه ټیسټ لوبه د راتلونکي شنبې په ورځ بیل کړي.
د دې دوو هیوادونو ترمنځ تر دې مخکي د شل آوریزه او یو ورځنیو لوبو لړۍ هم ترسره سوې، چي د شل آوریزه دا هند، خو د یو ورځنیو دا بیا نیوزیلینډ وګټله.

Be the first to comment

Leave a Reply

Your email address will not be published.







سبا د ټیست نړیوالې اتلولۍ پایلوبه پيلیږي

by محمد صابر حمیدي ، کندهار in سپورټ

د ټیسټ نړیوالې اتلولې پایلوبې ته هند او نیوزیلینډ کرکټ ملې لوبډلو لاره پيداکړې، چې د یادو هیوادونو کرکټ بورډونو یادي پایلوبې ته خپلې لوبډلې اعلان کړې.  د ټیسټ نړیوالې اتلولۍ پایلوبه د کرکټ نړیوالې ... نور ولولئ