هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
ژوند او ژواک

هندوستان کې د ترهګرۍ د قربانیانو په مقایسه د مینې قربانیان زیات دي

د هندوستان د پولیسو له خوا خوندي شوې شمیرې ښيي چې په دې هیواد کې په تیرو پنځلس کلونو کې د ترهګرۍ له قربانیانو څخه د هغو شمیر زیات دی چې د مینې قرباني شوي دي.

د هندوستان د پولیسو له خوا د ثبت شویو ګڼو وژنو چې قصدي غیرې قصدي وژنې دي سبب مینه او عشق ښودل شوی دی.

په هندوستان ټایمز کې د خپرو شویو شمیرو له مخې له ۲۰۰۱ م کال راهیسې تر ۲۰۱۵ م کال پورې په هندوستان کې تر اته دیرش نیم زرو د زیاتو قتلونو رسمي دلیل مینه او عاشقي ښودل شوې ده.

خو په همدې موده کې په دې هیواد کې د ترهګرۍ سره د تړلو نښتو، جګړو، بریدونو او چاودنو په ترڅ کې شل زره کسان وژل شوي چې امنیتي ځواکونه او ولسي خلک دواړه په دې شمیره کې شامل دي.

پر دې سربیره د هند د حکومت شمیرو په همدې موده کې تر ۷۹ زرو د زیاتو ځان وژنو سبب هم مینه ثبت کړې ده.

مینه همدارنګه د ۲۰۰۱ م کال راهېسې تر ۲۰۱۵ م کال پورې په هندوستان کې د دوه سوه شپیته زرو هغه جرمونو سبب شوې هم ده چې په کې تښتونې او په زور ودوَنې شاملې دي.

د مینې له کبله په قتلونو کې ډیرې وژنې د غیرت په نوم د ښځو وژنې ښودل شوې دي. د هندي مدنې فعالان ددې هیواد امنیتي ادارې ملامتوي او وايي، دوی د هغو کسانو لپاره د خوندیتوب په برابرو کې پاتې راغلي چې په خپله خوښه د خپل راتلونکې ژوند شریک انتخابول غواړي.

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */