فبروري 26, 2021

هندوستان د ۵۹ منډو په توپير ويسټ انډيز ته ماته ورکړه.

ليکنه: مدثر دعوت
د هندوستان او ويسټ انډيز ترمنځ دويمه يو ورځنۍ لوبه تيره شپه ترسره سوه.
د لوبي پچه هندوستان وګټله او د توپوهني پريکړه يې وکړه.

هندوستان د ويرات کهولي په سليزي په پوره ۵۰ اوورونو کي د ۷ لوبغاړو په سوځيدو ۲۸۰ منډي هدف وټاکی.
خو داچي لوبه د ډير وخت لپاره باران درولې وه اوورنه ۴۶ ته راکم سوه او د DLS میتود په خاطر هدف ۲۷۰ منډي وټاکل سو.
که څه هم شيکر داون په ۲ او روحيت شرما په ۱۸ منډو وسوځيدله خو بيرته ويرات لوبه کنټرول کړله او په ۱۲۵ توپونو يې ۱۲۰ منډي وکړې.

همدارنګه ځوان شریاس ایر ۷۱ منډي وکړې.
د ويسټ انډيز لپاره کارلوس براټويټ ۳ ،همدارنګه چيس،کوټريل او هولډر يوه يوه ويکټه ترلاسه کړه.
د ۲۷۰ منډو هدف په تعقیب کریس ګيل په ۱۱ منډو وسوځيدی خو لیویس ۶۵ او پوران ۴۲ منډي وکړې.
ویسټ انډيزۍ لوبډله په ۲۱۰ منډو کي ټوله وسوځيده.

د هندوستان لپاره بونیشورکمار ۴، محمدشامي او کولدیف یاداو دوې دوې همدارنګه خلیل احمد او جدیجا یوه یوه ویکټه ترلاسه کړه.
هندوستان د ډي ال ايس میتود په خاطر د ۵۹ منډو په توپیر لوبه وګټله او ويرات کهولي د لوبي د غوره لوبغاړي جائزه وګټله.

د يو ورځنيو لوبو د روان سيريز لومړۍ لوبه د باران له کبله بې نتیجې سوله او دریمه لوبه يې د چهارشنبې په ورځ ترسره کيږي.

کوپټیل؛ په نړیوالو شل اوریزه سیالیو کې زیاتې شپږیزه وهونکی لوبغاړی

لیکوال: محمد صابر حمیدي ، کندهار - برخه : سپورټ

لیکنه: محمدصابر حمیدي   د نیوزیلنډ د کرکټ ملې لوبډلې پیلیز لوبغاړي مارټین کوپټیل د اسټرالیا په وړاندې لوبه کې په ۵۰ توپونو ۹۷ منډې وکړې، چې ۸ شپږیزې او ۶ بیا څلوریزې شاملې وې. ... نور ولولئ