هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
خواړه روغه سټه

هم خرما هم ثواب؛ د خرما څو روغتیايي ګټې

وايي هم خرما او هم ثواب! نو ښکاره ده چې خرما په ثواب سربېره د روغتیا لپاره ګڼې روغتیايي ګټې هم لري.

په خرماو کې فایبر، پوتاشیم، میس، منګنیز، میګنیزیم او ویټامن بي شپږ ګډ دی چې د روغتیا پالانو په وینا د سالمې او روغې سټې له پاره خورا ګټور دي.

دلته درسره له ګڼو ګټو څخه د خرما شپږ ګټې شریکوو چې د روغتیايي څېړنو په پایله کې په ډاګه شوي دي.

۱. د هضمي سیتم ښه کوي
د خرما خوړل ددې ترڅنګ چې د هضمي سیستم کې ښه والی راولي؛ بلکې د قبضیت مخه هم نیسي. په خرما کې داسې فایبرونه شته چې د هاضمي سیستم لپاره ګڼې ګټې لري.
څېړنې وايي، په خرما کې د شته ویاټمینونو او فایبرونو له امله د انسان د هضمې سیستم نورمال او روغ وي چې له امله يې ورسره د انسان ټوله روغتیا ښه وي .

۲. زړه روغ ساتي
د اسراییلو ټیکینو انسټیټوټ د یوې څېړنې له مخې هره ورځ د انارو جوس او د درې خرما خوړل د زړه د ناروغیو په مخنیوي او روغ ساتلو کې خورا ګټوره او اغېزناکه چاره ده.
ددغې څېړنې پوهان وايي، انار او خرما ”اینټي اکساییډنټونه“ لري چې د زړه د رنګونو د بندیدو او لښته کیدو ګواښ ان ۳۳ سلنه کمولای شي. نو که روغ زړه غواړئ! خرما خورئ، خو په اندازه.

۳. د وینې لوړ فشار
روغتیايي څېړنو دا هم ښودلې ده چې په خرما کې ګډ “میګنیزم” د لوړ فشار په ښه والي کې بیخي ګټور ثابیتیږي. ددې ترڅنګ په خرما کې شته “پوتاشیم” هم د وینې د لوړ فشار په سمولو او د زړه په ښه ساتلو کې مهم رول لري.

نو هم خرما او هم ثواب!

۴. د فلج یا ګوزڼ مخنیوی کوي
د امریکا د یو طبیي پوهنتون په تازه څېړنو کې ویل شوي چې هره ورځ د ۱۰۰ میله ګرامه مګنیزیم استعمال د ګوزڼ ګواښ ان تر ۹ سلنه پورې راکموي. نو ځکه روغتیا پالان د خرما په خوړولو ټينګار کوي. دوی وايي، خرما هغه مېوه ده چې په زیاته اندازه مګنیزیم لري.
څېړونکې ډله ټيڼګار کوي چې د فلج په مخنیوي او د ګواښ په بیخي راکمولو کې د خرما هره ورځ په اندازه خوړل خورا ښه اغېزناک دي.

۵. ذهن پیاوړی کوي
په طیبي مجلې جاما انټرنل میډیسن کې یوه خپره شوې څېړنه وايي، ویټامین بي ۶ وړ اندزه د انسان په ذهني پیاوړتیا کې مهمه ونډه لري. څېړنه د خرما په خوړلو ځکه ټينګار کوي چې په ځان کې د نورو ګټورو موادو تر څنګ ویټامین بي شپږ هم لري.
ددې څېړنې له مخې هغه کسان چې په معمول ډول د خرما خوړلو عادت لري د نورو روغتیايي ګټو ترڅنګ به يې ذهني پیاوړتیا هم ډېره او ښه وي.

۶. هډوکي پیاوړي کوي
روغتیا پالان وايي په خرماو کې د میګنیزیم ، میس او میګنیزیم غوندې مواد دي چې دا د هډوکو په پیاوړتیا کې مهم رول لري.

د ډاکټرانو په باور هغه کسان چې د خرما خوړلو عادت لري د وجود هډونه يې غښتلي او دردونه يې بیخي کم وي.

یادونه: دا مطلب د عامو معلوماتو لپاره دی، د ستونزې پر وخت باید له ډاکټر سره مشوره وشي.

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */