نن هند او ویسټ انډیز وروستۍ لوبه ترسره کوي

ټاکل سوې نن د یکشنبې په ورځ غارمه ۱ بجه هندوستان کرکیټ ملي لوبډله د ۳ یو ورځنیو لوبو د لړۍ وروستۍ لوبه د ویسټ انډيز په وړاندي ترسره کړي.

د دې دوو هیوادونو ترمنځ لومړۍ یو ورځنۍ لوبه ویسټ انډيز وګټله او دوهمه یو ورځنۍ لوبه بیا هندوستان وګټله، چي په دې سره اوس لړۍ یو ـ یوه مساوي ده.
ننۍ لوبه د دواړو لوبډلو ترمنځ د لړۍ پایلوبه ده، که هري لوبډلي یاده لوبه وګټله، نو هغه د یادي لړۍ ګټونکی هیواد بلل کیږي او کپ به ورکړل سي.

دې لوبي ته ویسټ انډيز او هندوستان دواړو هیوادونو د پوره چمتوالی خبر ورکړی.
هند او ویسټ انډيز کرکیټ ملي لوبډلو تر دې مخکي د درو شل آوریزه سیالیو هم ترسره کړه، چي هغه لړۍ ۲ پر ۱ هندوستان وګټله.